Darlledwyr blaenllaw’n rhan o gorff i gadw llygad ar ddarlledu yng Nghymru

Diweddarwyd am  
Camera teledu a pherson mewn dillad gwyn yn ei weithio - llun tros ei hysgwydd

Camera teledu

Llun: SupportDPX (cc-by-2.0)

Mae’r ddarlledwraig, Angharad Mair, a’r newyddiadurwr, Eifion Glyn, yn rhan o gorff annibynnol a fydd yn ceisio creu patrwm ar gyfer rheoleiddio darlledu yng Nghymru.

Mae’r ‘Cyngor Cyfathrebu Cenedlaethol’ hefyd yn cynnwys enwau cyfarwydd eraill o’r byd darlledu, gan gynnwys y cynhyrchydd teledu, Nia Ceidiog; y cyfarwyddwr a’r cynhyrchydd Euros Lewis, a’r cyn-uwch- gynhyrchydd gyda Radio Cymru, Rhisiart Arwel.

Bwriad yr grŵp, a gafodd ei lansio gan Gymdeithas yr Iaith rai wythnosau yn ôl, fydd “creu strwythur rheoleiddio addas ar gyfer Cymru”, gan ddatblygu polisïau ar gyfer y maes darlledu yng Nghymru.

Fydd gan y Cyngor ddim grym ond fe fyddan nhw’n cynnig syniadau a chyhoeddi adroddiadau.

‘Hanesyddol’

“Mae’n ddiwrnod hanesyddol yn y broses o ddatganoli pwerau darlledu i Gymru”, meddai llefarydd ar ran y Cyngor Cyfathrebu Cenedlaethol.

“Mae safon aelodau cyntaf y Cyngor hwn yn arbennig ac yn dangos dyfnder y dalent, y brwdfrydedd a’r profiad y gallwn ni fanteisio arno yng Nghymru.

“Bydd y bobol hyn yn fwy na pharod ac abl i reoleiddio darlledu a chyfathrebu. Mae’r cyhoedd eisiau gweld penderfyniadau dros ddarlledu yng Nghymru yn cael eu gwneud gan bobol Cymru.”

  • Naw aelod sydd yna i’r Cyngor er fod bwriad ar un adeg i gael 12 – y gweddill yw Marc Webber, newyddiadurwr digidol; Phil Stead, Cyfarwyddwr Digidol Cwmni Da; Owain Gwilym, darlledwr a cherddor; Alun Jones Williams, band Bwncath. Roedd y Gymdeithas hefyd wedi gobeithio codi digon o arian i dalu cyflog swyddog ar gyfer y Cyngor.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones