Noson dda o gwsg yn allweddol i gwffio clefyd y gwair

Diweddarwyd  

Ambrosia: y planhigyn sy’n cael ei feio am achosi twymyn y gwair. Llun: Krzysztof Ziarnek/WikiCommons

Mae arbenigwr ar alergeddau’n dweud bod noson dda o gwsg yn allweddol wrth geisio rheoli symtomau clefyd y gwair.

Yn ôl Max Wiseberg, mae yna dystiolaeth sy’n awgrymu bod pobol sy’n cysgu am o leiaf saith awr bob nos yn gallu rheoli’r symtomau’n well na phobol sydd ond yn cael pump awr o gwsg. 

Ond y “cylch dieflig”, meddai, yw fod dioddefwyr yn ei chael yn anodd cysgu o ganlyniad i’r clefyd.

Ei gyngor i ddioddefwyr yw sicrhau bod ganddyn nhw batrwm rheolaidd o gwsg, sy’n cynnwys cael bath neu gawod cyn mynd i’r gwely.

Mae’n dweud hefyd fod ymolchi mewn cynnyrch organig cyn mynd i’r gwely yn gallu dal traean o’r paill sydd fel arfer yn cyrraedd y corff.

Ac mae paill, meddai, hefyd yn mynd yn sownd yn nillad y gwely ac felly, mae’n hanfodol eu newid yn rheolaidd ac i gadw anifeiliaid oddi ar y gwely rhag iddyn nhw gludo paill ar eu cyrff.

Ddylai dioddefwyr ddim bod allan yn yr haul fin nos, wrth i baill ddod yn ôl i lawr i lefel y ddaear wrth i’r awyr oeri.

A’i gyngor olaf yw cau ffenestri yn ystod y dydd a’r nos, a defnyddio ffiltr er mwyn glanhau’r awyr sy’n dod i mewn i’r tŷ.

 

Newyddion

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019