Dyn yn parhau mewn cyflwr difrifol ar ôl cael ei saethu â bwa croes ger Caergybi

Diweddarwyd am  

Llun: Gwefan yr Heddlu

Mae dyn yn parhau mewn cyflwr difrifol ar ôl cael ei saethu â  bwa croes ger Caergybi yn ystod oriau mân bore Gwener.

Cafodd y dyn 74 oed yr anafiadau difrifol oedd yn ddigon i beryglu ei fywyd y tu allan i’w gartref ger y gyffordd rhwng Lon Porthdafarch a Ffordd Plas.

Galwyd y gwasanaethau brys am 00:34 a chludwyd y dyn i Ysbyty Gwynedd, Bangor.

Dywedodd yr heddlu bod y dyn yn ceisio trwsio lloeren deledu pan gafodd ei saethu.

Dywedodd y Ditectif Prif Arolygydd Brian Kearney o Heddlu Gogledd Cymru fod staff meddygol a gweithwyr ambiwlans “wedi brwydro i arbed bywyd y dyn.”

Ychwanegodd fod y weithred yn un “hynod o anarferol” ac nad oedden nhw yn gwybod ar hyn o bryd beth oedd y cymhelliad.

Mae’r heddlu yn apelio ar unrhyw un oedd yn yr ardal i gysylltu â nhw. Maen nhw hefyd yn awyddus i siarad ag unrhyw un sydd gyda theledu cylch cyfyng, neu gamera dashfwrdd i gysylltu.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer