Ymestyn taliadau ffermwyr am flwyddyn ychwanegol

Diweddarwyd am  

Machlud ar fferm

Llun: CC0

Bydd y prif gymorthdal sy’n cael ei dalu i ffermwyr yn parhau am flwyddyn ychwanegol, yn ôl Llywodraeth Cymru.

Yn wreiddiol, roedd disgwyl i’r taliadau gychwyn dod i ben o 2020 ymlaen, wrth i system newydd – sy’n cynnwys grantiau busnes ac amgylcheddol – gael ei chyflwyno yn eu lle.

Mae tipyn o wrthwynebiad wedi bod i’r cam hwn, gyda’r undebau ffermwyr  yn rhybuddio y gallai newid ladd y diwydiant amaeth.

Ond yn ôl yr Ysgrifennydd tros Faterion Amaeth, bydd y system bresennol yn parhau am flwyddyn arall er mwyn rhoi mwy o amser i ffermwyr “baratoi ac addasu” ar gyfer newid.

‘Sicrwydd’

“Dw i’n sylweddoli bod hwn yn newid mawr i’r sector yn ystod cyfnod ansicr,” meddai Lesley Griffiths.

“Mae’r cyfnod pontio yn hynod bwysig a dyma pam yr wyf heddiw yn cyhoeddi’r Cynllun Taliad Sylfaenol fydd yn parhau heb newid am flwyddyn arall yn 2020 i roi sicrwydd ac i helpu ffermwyr newid yn ddidrafferth i’r Rhaglen Rheoli Tir newydd.

“Bydd yr estyniad hwn yn sicrhau bod gan ffermwyr ddigon o amser i baratoi ac addasu i’r dull newydd hwn.”

Dywed Lesley Griffiths hefyd y bydd dros 85% o daliadau ffermwyr o dan Gynllun y Taliad Sylfaenol ar gyfer 2018 yn cael eu talu ddydd Llun nesaf (Rhagfyr 3).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer