Sylw “Islamoffobig” Gareth Bennett yn denu ymateb chwyrn

Diweddarwyd am  

Gareth Bennett

Llun: Cynulliad Cenedlaethol Cymru CC 2.0

Mae Arweinydd newydd UKIP yng Nghymru wedi’i  feirniadu gan ffigyrau Mwslimaidd am ei sylwadau ynglŷn â byrcas.

Mewn cyfweliad ag ITV Cymru ar ddydd Sul (Awst 12) dywedodd Gareth Bennett bod gweld menywod yn gwisgo’r dilledyn yn ei wneud yn anghyffyrddus.

Dywedodd hefyd bod y dilledyn yn rhan o “ddiwylliant estron”, a’i fod yn “gyn-ganoloesol”.

Bellach mae Cyngor Mwslimaidd Cymru wedi ymateb, gyda’u Dirprwy Ysgrifennydd Cyffredinol yn galw’r sylw yn “lwfr” ac yn “Islamoffobig”.

“Anghywir”

“Mae Bennett yn anghywir i alw’r gorchudd wyneb yn ‘estron’ a ‘chyn-ganoloesol’,” meddai  Dr Abdul-Azim Ahmed.

“Mae Mwslimiaid wedi bod rhan o Brydain a Chymru ers canrifoedd, yn cyfrannu at eu twf, eu cyfoeth a’u diwylliant. Does dim gwadu hynny.

“Ac mae ymgais Bennett i anwybyddu bod Islam yn rhan o ddiwylliant Cymru yn amlygu llawer am uchelgeisiau cenedlaetholgar-gwyn UKIP.”

Sylwadau

Daw sylw Gareth Bennett rhai diwrnodau yn sgil sylw tebyg gan Christine Hamilton, gwraig yr Aelod Cynulliad UKIP Neil Hamilton.

Ar ddydd Gwener (Awst 10) mi bostiodd lun ar Twitter o grŵp eithafol y Ku Klux Klan, gan ategu’r neges: “Os ydy’r byrca yn dderbyniol, mae’n rhaid bod hyn yn dderbyniol hefyd?”

Daw sylwadau’r ddau ffigwr yn sgil sylwadau gan y cyn-Ysgrifennydd Cartref, Boris Johnson, mewn erthygl papur newydd yr wythnos ddiwetha’.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed