Dirwy o £86,000 i Ant McPartlin am yfed a gyrru

Diweddarwyd am  
Ant McPartlin yn gwenu

Ant McPartlin ym Mae Caerdydd yn 2014

Llun: Ben Salter CCA 2.0

Mae’r cyflwynydd teledu, Ant McPartlin, yn dweud ei fod yn “wirioneddol sori” am siomi ei deulu, ei ffrindiau, a’i gefnogwyr ar ôl pledio’n euog a chael ei gosbi am yfed a gyrru.

Mae’r diddanwr, sy’n un rhan o’r ddeuawd boblogaidd, Ant and Dec, wedi cael y ddirwy fwya’ erioed am y drosedd yn Llys Ynadon Wimbledon ddoe ar ôl pledio’n euog i yrru dan ddylanwad alcohol adeg damwain draffig yng ngorllewin Llundain fis diwetha’.

Mae’r ddirwy yn £86,000 – mwy na’r record flaenorol o £54,000 a gafodd y pêl-droediwr Yaya Touré yn 2016 – ac fe gafodd ei wahardd rhag gyrru am 20 mis.

Yn gymharol, mae’r ddirwy’n sylweddol lai nag incwm wythnosol y cyflwynydd.

“Problemau emosiynol ac alcohol”

Fe glywodd y llys fod Ant McPartlin, 42 oed, wedi bod yn derbyn cymorth am “broblemau emosiynol ac alcohol” adeg y digwyddiad ar Fawrth 18, pan wnaeth ei gar mini daro dau gar arall.

Ac wrth ei ddedfrydu, fe ddywedodd y barnwr fod ei agwedd wedi siomi ei gefnogwyr, gan sarnu ei ddelwedd fel “esiampl” i bobol.

“Dw i wedi siomi fy hun, dw i wedi siomi nifer o bobol,” meddai Ant McPartlin yn dilyn yr achos. “Ac am hynny, dw i’n wirioneddol sori.

“Fe hoffwn ymddiheuro i bawb oedd yn rhan o’r damwain, a dw i’n ddiolchgar na chafodd neb eu hanafu’n ddifrifol.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd