Caniatáu rhoi heddlu Rio de Janeiro yn nwylo’r fyddin

 

Rio de Janeiro

Llun CC2.0 trwy Gomin Wicimedia

Mae’r senedd ym Mrasil wedi rhoi caniatâd i roi’r heddlu yn Rio de Janeiro yng ngofal y fyddin.

Roedd llywodraeth ffederal y wlad wedi cyflwyno’r gorchymyn ddiwedd yr wythnos ddiwethaf, wrth i’r fasnach gyffuriau yn ninas y carnifal droi’n fwy treisgar.

Mae’r hwn wedi ennyn pryderon yn Brasil, gyda nifer yn cael eu hatgoffa am ormes yr unbennaeth filwrol a oedd yn rheoli’r wlad rhwng 1964-1985.

Mae eraill wedyn yn credu mai ymgais yw hwn gan Arlywydd y wlad, Michel Temer, i dynnu sylw rhag ei broblemau gwleidyddol – yn enwedig wrth i’w boblogrwydd yn gyffredinol edwino.

Ond mae’r llywodraeth ffederal yn mynnu eu bod nhw wedi cymryd y cam hwn oherwydd bod y fasnach gyffuriau yn Rio de Janeiro wedi mynd allan o reolaeth, wrth i awdurdodau’r ddinas fethu ag amddiffyn trigolion ac ymwelwyr rhag y trais.

Y fyddin yn rheoli

Ers i’r gorchymyn gael ei gyflwyno ddydd Gwener (Chwefror 17), mae swyddogion y fyddin a’r heddlu wedi bod yn rheoli’r prif ffyrdd sy’n dod i mewn i’r ddinas, a hynny er mwyn atal cyffuriau, arfau a nwyddau wedi’i dwyn rhag cael mynediad.

Mae cerbydau arfog hefyd ar batrôl o gwmpas strydoedd mewn un ardal ym Mae Guanabara, tra bo cychod patrôl yn archwilio’r dyfroedd.

Fe gyhoeddodd yr awdurdodau neithiwr bod 11 person wedi’u dwyn i’r ddalfa, a’i bod nhw wedi cael gafael ar chwe gwn, chwe grenêd a storfa fawr o gyffuriau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones