MERCHED Y SIN ROC #1: “Pethau wedi newid” ers yr 1980au

Diweddarwyd am  

Pat Morgan wrth y decs yn DJio

“Mae gan ferched mwy o reolaeth dros bethau, mae mwy o lais gyda nhw nawr. O’r blaen oedd merched dim ond fod edrych yn bert yn y cefndir,” meddai Pat Morgan, yr aelod o grŵp Datblygu a dorrodd dir newydd yn yr 1980au ac arwain y ffordd at genre newydd arbrofol yn y Gymraeg.

“Roedd y rhan fwyaf o bobol yn gweud ‘pam so chi jyst yn canu fel backing singer’… roedd pobol fel Rhiannon Tomos, wrth gwrs, yn sefyll mas… ond achos bod ni’n gwneud pethau mwy arbrofol, roeddwn i eisiau gweld merched yn arbrofi a gwneud pethau gwahanol.

“Doedd dim ffrindiau gen i oeddwn i’n gallu uniaethu gyda nhw… roedd merched yn ysgrifennu ataf i a gweud bod nhw’n edmygu’r grŵp.

“Ond y rhan fwyaf o amser, dim ond David oedd yn cael unrhyw fath o sylw, roeddwn i jyst yn troi lan a chuddio y tu ôl i’r amp… roedd pethau yn dueddol o daflu pethau arnon ni, achos bod ni’n gwneud pethau doedden nhw ddim yn licio clywed!

“Y peth oeddwn i’n grac amdano oedd ‘se ni yn y stiwdio, roedd pawb yn gofyn i David [am ei farn], doedd neb yn gofyn i fi beth oeddwn i’n meddwl am rywbeth, roedd e fel doedd dim barn gyda fi.

“Roeddwn i jyst yna i… sai’n gwybod, i edrych yn bert ‘falle? Nid dyna oedd fy mwriad i, roeddwn i eisiau cyfrannu ond doedd pobol ddim yn credu bod merched yn gallu rhoi barn.”

Cock-rock” yr SRG

Ond erbyn hyn, mae Pat Morgan yn gweld bod pethau wedi newid y merched yn y sin, er ei bod yn disgrifio’r sin roc Gymraeg yn “cock-rock”.

“Fi’n credu bod pobol yn lot fwy cefnogol nawr, maen nhw eisiau gweld merched yn gwneud pethau.

“Mae e’n very sort of, cock-rock, cliché, bandiau gitâr, ac mae dynion yn really mwynhau gwneud hwnna, roedd David [o Datblygu] eisiau rock band hefyd.

“Dyw merched ddim fel yna really, dim y rhan fwyaf, does dim cystadleuaeth o bwy sy’n gallu bod yn well na’r llall. Mae e’n wahanol fath o vibe fi’n credu.

“Mae Gwenno [Saunders] wedi dangos y ffordd, mae digon o gyfleoedd i wneud pethau os wyt ti’n cadw ati, mae hi wedi llwyddo.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer