Cyn-asgellwr Cymru’n ymddeol o’r byd rygbi

 

Mae Tom James, cyn-asgellwr tîm rygbi Cymru, wedi ymddeol yn 33 oed.

Enillodd e 12 o gapiau dros ei wlad, ac mae’n brif sgoriwr ceisiau’r Gleision, gyda 60.

Treuliodd e gyfnodau gyda Chaerwysg ac yn fwyaf diweddar, y Scarlets cyn rhoi’r gorau iddi.

Fe gamodd e i ffwrdd o’r byd rygbi am gyfnod ym mis Ionawr 2018 yn ystod ei ail gyfnod gyda’r Gleision, a hynny wrth iddo fyw ag iselder.

Mae’n dweud iddo wneud y penderfyniad i ymddeol “ar ôl cael llawer o amser i feddwl”.

Mae’n dweud iddo gael “profiad gwych” yn y byd rygbi, a bod ganddo fe “atgofion hyfryd dros 14 o flynyddoedd”.

“Dw i wedi bod yn ddigon ffodus i gael fy hyfforddi gan yr hyfforddwyr gorau ac wedi chwarae â rhai o’r chwaraewyr gorau yn y byd, gan gynnwys fy arwr Gareth Thomas.

“I’r holl gefnogwyr, i’r teulu rygbi cyfan, alla i ddim diolch digon i chi gyd, ond mae’r diolch mwyaf i ’nheulu fy hun, fy ffrindiau a’r bobol niferus sydd wedi fy helpu yn ystod fy ngyrfa.”

Teyrnged

“Dw i wrth fy modd dros TJ ei fod e wedi cael y profiad positif yma yn y Scarlets, a’i fod e bellach yn gallu gwneud y penderfyniad hwn ar ei delerau ei hun,” meddai Brad Mooar, prif hyfforddwr y Scarlets.

“Ar ôl mwynhau gyrf ragorol, mae pawb ohonom yn y Scarlets yn dymuno’n dda i TJ, Brooke a’u plant ar gyfer y dyfodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn