Egluro helynt canslo gêm Cymru yn erbyn yr Alban

 
Logo Undeb Rygbi Cymru

Llun: Undeb Rygbi Cymru

Mae Gareth Davies, cadeirydd Undeb Rygbi Cymru, wedi bod yn egluro’r broses arweiniodd at y penderfyniad i ganslo gêm Cymru yn erbyn yr Alban ym Mhencampwriaeth y Chwe Gwlad heddiw (dydd Sadwrn, Mawrth 14).

Fe fu’r Undeb dan y lach ar ôl cryn oedi cyn cyhoeddi na fyddai’r gêm yn cael ei chynnal, oriau’n unig ar ôl dweud y byddai’n mynd yn ei blaen – er bod nifer o gampau wedi cyhoeddi bod gemau’n cael eu canslo neu eu gohirio.

Wrth gyhoeddi bod y gêm wedi’i chanslo, dywedodd Gareth Davies fod yr Undeb yn destun “beirniadaeth” yn sgil “cyhoeddusrwydd”, gyda Phlaid Cymru ymhlith y rhai oedd yn galw am ganslo’r gêm.

“Fe fu’n wythnos anodd,” meddai wrth y BBC.

“Roedden ni’n amlwg wedi dilyn cyngor y llywodraeth ganolog, Llywodraeth Cymru yn nhermau’r dystiolaeth wyddonol a meddygol ac roedd hynny’n wir tan neithiwr (nos Iau) pan wnaethon ni gwrdd i ystyried popeth.

“Roedden ni’n dal i feddwl mai rhoi ystyriaeth i’r cyngor oedd y ffordd orau ymlaen.

“Roedd yr Uwch Gynghrair, er enghraifft, yn mynd yn ei blaen ond roedd hynny wedi newid, efallai am resymau amlwg.

“Dilynodd y Gynghrair Bêl-droed drywydd tebyg, felly hefyd gêm Celtic-Rangers, felly dw i’n meddwl ein bod ni wedi cael ein hunain yn destun beirniadaeth ar gyfer y firws a’r cyhoeddusrwydd.

“Fe wnaethon ni siarad y bore ’ma â’r llywodraeth, oedd yn deall ein safbwynt.”

Mae Undeb Rygbi’r Alban yn dweud y byddan nhw’n mynd adref cyn gynted â phosib, ac yn deall penderfyniad Undeb Rygbi Cymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn