Disgwyl cosbi Joe Marler am gyffwrdd genitalia Alun Wyn Jones

 

Alun Wyn Jones

Llun: Undeb Rygbi Cymru

Fe fydd Joe Marler, prop tîm rygbi Lloegr, yn mynd gerbron panel disgyblu am gyffwrdd genitalia Alun Wyn Jones, capten Cymru, yn yr ornest Chwe Gwlad yn Twickenham ddydd Sadwrn (Mawrth 7).

Fe allai gael ei wahardd am hyd at chwe mis pe bai’r panel yn Nulyn yn ei gael e’n euog o ymddwyn yn groes i chwarae teg ddydd Iau (Mawrth 12), ac fe allai gael ei gosbi ymhellach am neges gudd ar Twitter sy’n defnyddio iaith anweddus ond heb gyfeirio at unrhyw beth penodol.

Mae Courtney Lawes, chwaraewr ail reng Lloegr, hefyd yn wynebu panel disgyblu ar yr un diwrnod, a hynny am dacl beryglus, yn ogystal â Manu Tuilagi am gerdyn coch.

Enillodd Lloegr y gêm danllyd o 33-30.

Eddie Jones dan y lach

Mae Eddie Jones, prif hyfforddwr Lloegr, hefyd dan y lach am ei sylwadau am y dyfarnwr Ben O’Keefe ar ôl y gêm.

Dywedodd yr Awstraliad ei bod hi’n gêm “13 yn erbyn 16”, gan awgrymu bod y dyfarnwr yn ochri â Chymru.

Roedd e hefyd yn feirniadol o’r cerdyn coch i Manu Tuilagi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn