Coronavirus: Mako Vunipola ddim ar gael i wynebu Cymru

Diweddarwyd am  

Fydd y prop pen rhydd Mako Vunipola ddim ar gael i wynebu Cymru ym Mhencampwriaeth y Chwe Gwlad ddydd Sadwrn (Mawrth 7), yn ôl Matt Proudfoot, hyfforddwr blaenwyr Lloegr.

Yn ôl adroddiadau, mae’n ei ynysu ei hun yn sgil pryderon am coronavirus ar ôl bod yn Hong Kong ar ei ffordd yn ôl o Tonga.

Roedd disgwyl i brop y Saraseniaid ddychwelyd i’r tîm ar ôl iddo gael ei gynnwys yn y garfan hyfforddi ddydd Llun (Mawrth 2).

“Dyw Mako ddim gyda ni, mae ganddo broblem feddygol felly ni fydd o ar gael ar gyfer y penwythnos,” meddai Matt Proudfoot.

Yn wreiddiol, roedd disgwyl iddo fethu’r ornest yn erbyn Cymru oherwydd ei fod teithio i Tonga am resymau personol.

Pan gafodd Matt Proudfoot ei holi a fydd Mako Vunipola yn chwarae rhan yng ngweddill Pencampwriaeth y Chwe Gwlad eleni, dywedodd eu bod nhw “am ei chymryd hi un wythnos ar y tro.”

Mae ei absenoldeb yn golygu mai Joe Marler ac Ellis Genge fydd opsiynau prop pen rhydd Eddie Jones ar gyfer yr ornest yn Twickenham.

Trechodd Cymru Loegr o 21-13 yn y Bencampwriaeth y llynedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn