Rygbi: Eddie Jones yn rhybuddio Cymru

 
Llun o Eddie Jones yn gwenu

Eddie Jones

LLun: Belinda Lester CCA2.0

Mae Eddie Jones, prif hyfforddwr Lloegr, wedi rhybuddio Cymru fod gwell eto i ddod ar ôl i’w dîm guro Iwerddon 24-12 dros y penwythnos, ac yn ffyddiog bydd ei garfan “10%  yn well yn erbyn Cymru”.

Ar ôl colli yn erbyn Ffrainc bydd Cymru yn wynebu Lloegr yn Twickenham ymhen pythefnos (Mawrth 7).

“Fe wnaethon ni gymryd cam arall ymlaen yn erbyn Iwerddon, a dwi’n disgwyl i ni gymryd cam arall ymlaen wrth chwarae yn erbyn Cymru,” meddai Eddie Jones.

“Gêm fwyaf erioed”

“Heb os, pan mae Lloegr yn chwarae yn erbyn Cymru dyna yw’r gêm fwyaf erioed, a bydd y gêm yma ddim gwahanol.

“Rydyn ni’n fwy ffit, ac mae gwell eto i ddod yn erbyn Cymru.”

Ychwanegodd ei fod wedi gweld newid yn sut mae Cymru yn chwarae ers i Wayne Pivac gael ei benodi yn brif hyfforddwr:

“Maen nhw’n chwarae ychydig yn wahanol ac yn beryglus gyda’r bêl – bydd rhaid i ni gael golwg agosach ar hyn dros yr wythnosau nesaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn