Cyn-brif hyfforddwr y Gweilch yn ymuno â’r Alban

 
Steve Tandy, cyn-brif hyfforddwr y Gweilch, yw hyfforddwr amddiffyn newydd yr Alban.

Mae’n ymuno â staff hyfforddi Gregor Townsend yn dilyn ymadawiad Matt Taylor, sy’n symud i Awstralia.

Mae Steve Tandy, a dreuliodd chwe blynedd yn hyfforddi’r Gweilch rhwng 2012 a 2018, yn ymuno o glwb y Waratahs yn Awstralia ar ôl treulio dau dymor yno.

Wnaeth yr Alban ddim ildio’r un pwynt yn erbyn Samoa a Rwsia yng Nghwpan y Byd eleni, ond mae lle i wella o hyd, yn ôl y Cymro a chwaraeodd i Gastell-nedd a’r Gweilch yn safle’r blaenasgellwr.

“Dw i’n gweld hyn fel cyfle enfawr a dw i wedi cyffroi’n fawr o gael taflu fy hun i mewn i rygbi yn yr Alban,” meddai.

“Mae bod yn rhan o Super Rugby ers dau dymor wedi fy ngalluogi i gael profiad gwerthfawr o wahanol fathau o rygbi.

“Mae amddiffyn yn rhan enfawr o’r gêm dw i mor angerddol amdani.

“Gyda fy mhrofiadau yn hemisffêr y gogledd a’r de, dw i’n teimlo y galla i ychwanegu at sefyllfa’r Alban yn y dyfodol.”

Mae Pieter de Villiers wedi’i benodi’n hyfforddwr sgrym yr Alban.

“Mae’n wych cael dod â rhywun â phrofiad Steve Tandy i mewn,” meddai’r prif hyfforddwr Gregor Townsend.

“Roedd e’n brif hyfforddwr llwyddiannus yn y PRO14 ac fe wnaeth e ychwanegu dimensiwn gwych arall at ei hyfforddi yn is-hyfforddwr yn y Super Rugby.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd