Y Dreigiau’n trechu’r Scarlets

Diweddarwyd  

Dreigiau 22–20 Scarlets

Enillodd y Dreigiau gyda chic olaf y gêm wrth iddynt groesawu’r Scarlets i Rodney Parade yn y Guinness Pro14 nos Sadwrn.

Roedd Bois y Sosban ar y blaen wrth i’r cloc droi’n goch ar noson wlyb yng Nghasnewydd ond y tîm cartref a aeth â hi diolch i dri phwynt hwyr y maswr, Davies.

Ciciau cosb a oedd unig bwyntiau’r chwarter cyntaf, Davies yn llwyddo gyda tair i’r Dreigiau a Leigh Halfpenny’n trosi un i’r Scarlets.

Cafodd y gŵyr o’r gorllewin gyfnod da wedi hynny, yn mynd ar y blaen gyda dau gais mewn cyfnod o bum munud. Bylchiad nodweddiadol o fôn sgrym gan Gareth Davies a oedd y cyntaf a hyrddiad effeithiol gan y blaenwyr a wthiodd Ken Owens drosodd am yr ail.

Cafwyd ymateb da gan y Dreigiau cyn yr egwyl serch hynny a dim ond pwynt a oedd ynddi wedi i Davies drosi cais Rhodri Williams, 16-17 y sgôr wrth droi.

Ni chafwyd rhagor o geisiau yn yr ail hanner ond roedd digon o gyffro yn y deg munud olaf. Rhoddodd cic gosb Davies y Dreigiau ar y blaen cyn i Halfpenny adfer mantais y Scarlets gyda chic gosb bedwar munud o’r diwedd.

Cafodd Davies gyfle i’w hennill hi gyda chic gosb arall i’r Dreigiau ddau funud yn ddiweddarach ond anelodd heibio’r postyn mewn amodau anodd.

Ond gwnaeth y maswr yn iawn am hynny yn fuan wedyn, yn llwyddo gyda gôl adlam ychydig eiliadau wedi i’r cloc droi’n goch.

Mae’r canlyniad yn cadw’r Dreigiau yn bumed yn adran A y Pro14 tra mae’r Scarlets yn aros yn bedwerydd yn adran B.

.

Dreigiau

Cais: Rhodri Williams 36’

Trosiad: Sam Davies 36’

Ciciau Cosb: Sam Davies 6’, 9’, 19’, 73’

Gôl Adlam: Sam Davies 80’

Cerdyn Melyn: Matthew Screech 23’

.

Scarlets

Ceisiau: Gareth Davies 25’, Ken Owens 30’

Trosiadau: Leigh Halfpenny 26’, 31’

Ciciau Cosb: Leigh Halfpenny 4’, 76’

Cerdyn Melyn: Wyn Jones 37’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd