Buddugoliaeth i’r Scarlets yng Ngwlad y Basg

Diweddarwyd  

Bayonne 11–19 Scarlets

Y Scarlets a aeth â hi wrth iddynt deithio i’r Stade Jean Dauger i wynebu Bayonne yng Nghwpan Her Ewrop nos Sadwrn.

Cais hanner cyntaf Rob Evans a chicio cywir Leigh Halfpenny a arweiniodd at fuddugolieth Bois y Sosban yng Ngwlad y Basg.

Cyfnewidiodd Halfpenny a Romain Barthelemy gic gosb yr un cyn i Evans groesi am gais cyntaf y gêm, yn cael ei wthio drosodd gan sgarmes symudol.

Tarodd Bayonne nôl gyda chais unigol da y mewnwr, Michael Ruru, ond yr ymwelwyr o Gymru a gafodd air olaf yr hanner cyntaf gyda chic gosb arall gan Halfpenny yn eu rhoi ar y blaen o un pwynt ar ddeg i wyth.

Llwyddodd Halfpenny gyda dwy gic gosb arall yn yr ail hanner, o bobtu i un gan Barthelemy.

Rhoddodd hynny ddwy sgôr rhwng y ddau dîm ac roedd hynny yn ddigon o fwlch i’r ymwelwyr ddal eu gafael yn gymharol gyfforddus.

Mae’r canlyniad yn rhoi tîm Brad Mooar yn ail yng ngrŵp 2 cyn iddynt groesawu’r Ffrancwyr i Barc y Scarlets yn y gêm gyfatebol yr wythnos nesaf.

.

Bayonne

Cais: Michael Ruru 31’

Ciciau Cosb: Romain Barthelemy 24’, 52’

Cardiau Melyn: Sione Tau 40’, Yan Lestrade 60’

.

Scarlets

Cais: Rob Evans 28’

Trosiad: Leigh Halfpenny 29’,

Ciciau Cosb: Leigh Halfpenny 11’, 40’ 50’, 57’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd