Gweilch 13–18 Cheetahs

Colli fu hanes y Gweilch wrth iddynt groesawu’r Cheetahs i’w cartref dros dro ar y Gnol yng Nghastell Nedd nos Sadwrn.

Mae tymor anodd y Gweilch yn y Guinness Pro14 yn parhau ar ôl i’r ymwelwyr o Dde Affrica ennill gêm glos.

Croesodd yr ymwelwyr am gais cyntaf y noson wedi wyth munud, William Small-Smith yn sgorio.

Cyfnewidiodd Luke Price a Ruan Pienaar gic gosb yr un wedi hynny cyn i gais Ma-fau Fia unioni pethau i’r Gweilch, y prop yn dangos ei gryfder i hyrddio drosodd.

Ychwanegodd Price y trosiad ac roedd y Gweilch ddau bwynt ar y blaen ar hanner amser.

Felly yr arhosodd hi tan chwarter awr o’r diwedd pan wthiodd pac y Cheetahs Wilmar Arnoldi drosodd am eu hail gais o’r noson.

Rhoddodd trosiad Schoeman bum pwynt o fantais i’r ymwelyr ac er i Price daro nôl gyda chic gosb, ymatebodd Schoeman gyda thri phwynt a daliodd yr ymwelwyr eu gafael tan y diwedd i sicrhau buddugoliaeth fain, 13-18 y sgôr terfynol.

Roedd hynny’n ddigon am bwynt bonws i’r Gweilch, pwynt sydd yn eu cadw o waelod tabl adran A, maent yn aros yn chweched.

.

Gweilch

Cais: Ma-fau Fia 23’

Trosiad: Luke Price 24’

Ciciau Cosb: Luke Price 12’, 73’

.

Cheetahs

Ceisiau: William Small-Smith 8’, Wilmar Arnoldi 66’

Trosiad: Tian Schoeman 68’

Ciciau Cosb: Ruan Pienaar 17’, Tian Schoeman 76

Cerdyn Melyn: Sintu Manjezi 80’