Buddugoliaeth i’r Gleision yn Benetton

Diweddarwyd am  

Benetton 28–31 Gleision

Sgoriodd y Gleision gyda symudiad olaf y gêm i drechu Benetton yn eu gêm Guinness Pro14 yn y Stadio Comunale di Monigo brynhawn Sadwrn.

Jason Harries a sgoriodd y cais holl bywsig wrth i’r Cymry ennill o dri phwynt yn Treviso.

Chwarter awr a oedd ar y cloc pan groesodd James Botham am gais cyntaf y gêm wedi sgarmes symudol effeithiol gan y Gleision.

Ymtebodd Benetton yn dda gyda dau gais yn chwarter awr olaf yr hanner cyntaf, Marco Riccioni yn sgorio’r cyntaf cyn i Iliesa Ratuva garlamu i lawr yr asgell dde am yr ail, 15-10 y sgôr o blaid y tîm cartref wrth droi.

Ymestynnodd Tommy Allan y fantais i wyth pwynt gyda chic gosb yn gynnar yn yr ail gyfnod cyn i Lloyd Williams ymateb gyda chais i’r ymwelwyr o Gymru, y mewnwr yn bylchu ar yr ochr dywyll wedi sgrym bum medr.

Y tîm cartref a sgoriodd nesaf, Monty Ionae yn tirio wedi cic daclus Dewaldt Duvenage i’w lwybr.

Ac roedd hi’n ymddangos fel pe bai’r gêm yn mynd o afael y Gleision pan sgoriodd Frederico Zani bedwerydd Benetton ar yr awr i sicrhau pwynt bonws a’u rhoi un pwynt ar ddeg ar y blaen gyda chwarter y gêm ar ôl.

Ond gorffennodd y Gleision yn dda ac roeddynt yn ôl o fewn sgôr ddeuddeg munud o’r diwedd wedi i sgarmes symudol arall hyrddio Alun Lawrence drosodd am gais.

Yna, gyda’r cloc yn goch, fe dorodd Ray Lee-lo trwy amddiffyn yr Eidalwyr cyn rhyddhau’r eilydd, Harries, i groesi am gais ar yr asgell chwith ac ennill y gêm i’r ymwelwyr o Gymru.

Mae’r canlyniad yn codi tîm John Mulvihill dros Benetton i’r pumed safle yn nhabl adran B y Pro14.

.

Benetton

Ceisiau: Marco Riccioni 29’, Iliesa Ratuva 35’, Monty Ioane 56’, Frederico Zani 61’

Trosiad: Tommy Allan 30’

Ciciau Cosb: Tommy Allan 12’, 47’

.

Gleision

Ceisiau: James Botham 16’, Lloyd Williams 52’, Alun Lawrence 68’, Jason Harries 80’

Trosiadau: Jason Tovey 17’, 53’, 69’, 80’

Cic Gosb: Jason Tovey 33’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd