Y Scarlets yn curo’r Cheetahs

Diweddarwyd  

Scarlets 17–13 Cheetahs

Cododd y Scarlets i frig adran B y Guinness Pro14 gyda buddugoliaeth mewn gêm glos yn erbyn y Cheetahs brynhawn Sadwrn.

Steff Evans a Kieran Hardy a gafodd y ceisiau holl bwysig yn yr hanner cyntaf ar Barc y Scarlets.

Ar ddiwrnod mawr i rygbi De Affrica, yr ymwelwyr a gafodd y dechrau gorau gyda Tian Meyer yn sgorio’r cais agoriadol wedi deuddeg munud, y mewnwr yn rhoi cwrs i gic ddeallus Benhard Janse Van Rensburg o’r llinell hanner.

Roedd hi’n gyfartal wedi ychydig dros ugain munud serch hynny, Steff Evans yn croesi wedi symudiad taclus o lein bump.

A Bois y Sosban a oedd ar y blaen ar yr egwyl diolch i gais Kieran Hardy yn dilyn bylchiad gwreiddiol Johnny McNicholl, 14-7 y sgôr wrth droi.

Caeodd y Cheetahs y bwlch i bedwar pwynt gyda chic gosb Tian Schoeman yn gynnar yn yr ail hanner ac felly yr arhosodd hi tan y chwarter olaf.

Cyfnewidiodd Ruan Pienaar a Dan Jones gic gosb yr un o fewn munud i’w gilydd wrth i’r gêm gyrraedd y deg munud olaf gyda dim ond un sgôr ynddi.

Ac felly yr arhosodd pethau wrth i’r Scarlets ddal eu gafael ar fuddugoliaeth sydd yn eu codi i frig adran B y Pro14.

.

Scarlets

Ceisiau: Steff Evans 22’, Kieran Hardy 37’

Trosiadau: Dan Jones 22’, 39’

Cic Gosb: Dan Jones 68’

.

Cheetahs

Cais: Tian Meyer 13’

Trosiad: Tian Schoeman 15’

Ciciau Cosb: Tian Schoeman 42’, Ruan Pienaan 67’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd