“Does dim esgusodion gyda ni, mêt” – ymateb Lloegr i’r golled

Diweddarwyd am  
Lloegr wedi colli

Lloegr wedi colli

Llun: David Davies / PA Wire

“Does dim esgusodion gyda ni, mêt” oedd yw ymateb Eddie Jones, prif hyfforddwr tîm rygbi Lloegr, ar ôl iddyn nhw gael eu chwalu o 32-12 gan Dde Affrica yn rownd derfynol Cwpan Rygbi’r Byd.

Er i Syr Clive Woodward, y cyn-hyfforddwr, roi’r bai ar wendid y Saeson yn y sgrym, fe wnaeth y maswr George Ford wrthod rhoi’r bai ar y blaenwyr ar ôl y gêm.

“Wnaethon ni ei chael hi’n anodd mynd ar y droed flaen,” meddai Eddie Jones.

“Roedden nhw’n ymosodol iawn o amgylch y sgarmes ac yn ardal y dacl, ac fe wnaethon nhw ddominyddu yn y sgrym.

“Nid tan yn hwyr yn yr ail hanner y gwnaethon ni ddod yn agos yn y sgrym, ac mae’n anodd chwarae â’r bêl ar y droed ôl.”

Ond fe ddywedodd fod De Affrica’n “deilwng o ennill Cwpan y Byd”.

‘Esgus’

Awgrymodd ITV wrth gyfweld ag Eddie Jones fod y bws yn dod yn hwyr i gasglu’r tîm wedi cyfrannu at berfformiad siomedig.

Ond wfftiodd Eddie Jones hynny.

“Does dim esgusodion gyda ni, mêt,” meddai wrth ymateb i’r awgrym.

Un rheswm a gafodd ei awgrymu gan Syr Clive Woodward oedd fod De Affrica’n rhy gryf yn y sgrym.

“Does dim amheuaeth mai’r tîm gorau oedd wedi ennill,” meddai.

“Ar y lefel yma o rygbi, os na allwch chi sgrymio’n iawn, rydych chi’n mynd i ildio pum neu chwe chic gosb yn y sgrym yn erbyn tîm fel hwn.

“Rydych chi bob amser yn mynd i orffen yn ail.”

‘Dim bai ar y blaenwyr’

Serch hynny, mae’r maswr George Ford yn gwrthod rhoi’r bai ar y blaenwyr na’r sgrym.

“Rydych chi bob amser eisiau mynd ar y droed flaen ond alla i ddim rhoi’r bai ar y bois yn y blaen,” meddai.

“Maen nhw wedi bod yn rhagorol drwy gydol y twrnament.

“Wnaeth De Affrica jest ein trechu ni heddiw a rhaid i ni dderbyn hynny.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd