Cymru’n ffyddiog am fuddugoliaeth yn erbyn Seland Newydd

 

Stadiwm rygbi

Llun: CC0

Mae Cymru yn ffyddiog y gallan nhw guro Seland Newydd a chipio’r drydedd safle yn nghystadleuaeth Cwpan y Byd, yn ôl Justin Tipuric.

Daeth gobeithion bechgyn Warren Gatland o ennill y gystadleuaeth ryngwladol i ben dros y penwythnos ar ôl i Dde Affrica eu maeddu o 19 pwynt i 16.

Mae’n golygu mai’r Springbocs, ac nid y crysau cochion, fydd yn herio Lloegr yn y ffeinal yn Japan y  dydd Sadwrn nesaf (Tachwedd 2).

Bydd Cymru yn herio Seland Newydd y diwrnod blaenorol (Tachwedd 1) mewn gêm i benderfynu pwy fydd yn y drydedd a’r bedwaredd safle.

 “Gorffen ar uchafbwynt”

Dyw Cymru ddim wedi ennill yn erbyn Seland Newydd ers 1953, ac wedi colli 30 gêm yn olynol wrth ei hwynebu.

Ond dyw hynny ddim yn golygu nad yw Cymru yn barod i’w herio, yn ôl yr asgellwr, Justin Tipuric.

“Fel grŵp cyfan, byddai’n dda cael gorffen ar uchafbwynt, yn enwedig yn erbyn Seland Newydd,” meddai.

“Fe allen ni fod wedi creu hanes y penwythnos hwn [trwy gyrraedd ffeinal Cwpan y Byd], ond fe allwn orffen ar uchafbwynt trwy guro Seland Newydd.

“Mae cael y siawns o chwarae yn y crys coch yn erbyn Seland Newydd – un o dimoedd gorau’r byd – a chael y siawns o ddod y drydedd wlad orau yn y byd, ddim yn beth drwg ar ddiwedd y dydd.”

Ychwanegodd Justin Tipuric fod y siom yn erbyn De Affrica ddydd Sul (Hydref 27) wedi bod yn “anodd i’w derbyn”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd