Warren Gatland yn “berson anhygoel,” meddai Neil Jenkins

 

Warren Gatland

Llun: Undeb Rygbi Cymru

Mae Neil Jenkins, hyfforddwr cicio tîm rygbi Cymru, yn dweud bod Warren Gatland yn “berson anhygoel”, wrth i’w gyfnod yn brif hyfforddwr ddirwyn i ben.

Fe fydd y gŵr o Seland Newydd yn mynd adref ar ôl Cwpan Rygbi’r Byd, ar ôl deuddeg mlynedd yn y brif swydd.

Gyda Chymru’n herio Ffrainc yn rownd yr wyth olaf ddydd Sul (Hydref 20), mae’n gwybod fod ganddo fe uchafswm o dair gêm yn weddill o’i gyfnod wrth y llyw.

Mae Neil Jenkins ymhlith y rhai sydd wedi bod wrth ei ochr bob cam o’r ffordd.

“Mae ei record yn siarad drosti ei hun o ran y canlyniadau, y llwyddiant, undod y tîm a’r garfan a’r staff,” meddai’r cyn-faswr.

“Nid yn unig mae Gats yn hyfforddwr rygbi anhygoel, ond mae e hefyd yn berson anhygoel.

“Mae e’n dod â chymaint i’r amgylchfyd hwn, mae wir yn anhygoel.

“Byddai’n ofnadwy o drist yn ei weld e’n mynd, yn amlwg, ond byddai’n dda pe baen ni’n gallu rhoi pythefnos arall i ni ein hunain yn Japan, iddo fe a phawb arall sydd ynghlwm.

“Mae Gats bob amser yr un fath, dim ots pwy rydyn ni’n eu chwarae o un wythnos i’r llall.

“Mae e’n ddyn rygbi deallus iawn ac yn adnabod y gêm drwyddi drwy, a byddwn ni’n barod ar gyfer dydd Sull.

“Mae e wedi bod yma ers deuddeg mlynedd a beth bynnag mae e’n ei wneud, mae pawb yn edrych i fyny ato fe ac yn deall pam ei fod e’n gwneud beth mae e’n ei wneud.

“Mae e’n ddeallus iawn, yn gwneud pethau am reswm arbennig ac mae yna gynllun y tu ôl i bethau bob amser.”

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd