Cymru’n paratoi ar gyfer Wrwgwai yfory

Diweddarwyd am  
Wyneb Shaun Edwards

Shaun Edwards

Llun: Cynulliad Cenedlathol Cymru CCA2.0

Er bod amheuon a fydd yr Alban yn gallu chwarae Japan yfory, mae’r teiffŵn yn annhebygol o effeithio ar y gêm rhwng Cymru ac Wrwgwai.

Mae’n cael ei chwarae yn ninas Kumamoto yn ne-orllewin y wlad, sydd dros 700 milltir i ffwrdd o Tokyo.

Wrth edrych ymlaen ymhellach at y gemau go-gyn-derfynol, pryd y bydd Cymru’n debygol o wynebu Ffrainc, mae’r hyfforddwr amddiffyn Shaun Edwards yn rhybuddio bod yn rhaid i Gymru wella ei hamddiffyniad.

Mae Cymru wedi ildio wyth cais mewn tair gêm grŵp D, gydag ystadegau’n dangos bod nifer uchel o dacliadau wedi methu yn erbyn Ffiji dydd Mercher.

“Fe wnaethon ni fethu 25 o dacliadau, er bod y rhan fwyaf o’r rhain yn erbyn y ddau asgellwr Josua Tuisova a Semi Radradra sy’n athletwyr anhygoel,” meddai Shaun Edwards.

“Mae’n amlwg ein bod ni’n methu gormod, a rhaid inni sylweddoli bod gan Ffrainc hefyd unigolion ac athletwyr tebyg anhyhoel o ddawnus, a rhaid i ni wella’r sefyllfa.”

Os byddan nhw’n curo Wrwgwai yfory dyma’r tro cyntaf ers 1987 i Gymru fod yn ddiguro trwy gemau grŵp cwpan y byd.

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd