Y Scarlets yn curo Connacht

Diweddarwyd  

Scarlets 18–10 Connacht

Dechreuodd cyfnod Brad Mooar wrth y llyw ar Barc y Scarlets gyda buddugoliaeth yn erbyn Connacht ar benwythnos cyntaf y Guinness Pro14.

Roedd hi’n bell o fod yn glasur ar nos Sadwrn wlyb yn Llanelli ond roedd ceisiau hanner cyntaf Steff Evans a Paul Asquith yn ddigon i Fois y Sosban ddechrau’r tymor newydd gyda chanlyniad cadarnhaol.

Bu rhaid aros tan hanner ffordd trwy’r hanner cyntaf am y sgôr gyntaf, Evans yn hyrddio drosodd o ddwy fedr wedi i Asquith wneud yn dda i gadw’i afael ar y bêl.

Ar ôl creu’r cais cyntaf, yr Awstraliad a sgoriodd yr ail chwarter awr yn ddiweddarach, yn llithro o dan y pyst yn dilyn ffugiad deheuig ei bartner yn y canol, Steffan Hughes.

Ymestynnodd Dan Jones y fantais i ddeuddeg pwynt gyda’r trosiad cyn i Conor Fitzgerald gau’r bwlch i naw gyda chic gosb cyn yr egwyl.

Adferodd Jones y deuddeg pwynt o fantais gyda chic gosb yn gynnar yn yr ail gyfnod ond daeth y Gwyddelod yn fwyfwy i’r gêm wedi hynny wrth i’r tywydd waethygu.

Trodd y pwysau yn gais pan hyrddiodd Eoghan Masteron drosodd toc cyn yr awr a phum pwynt yn unig a oedd ynddi wedi trosiad Fitsgerald.

Ail gasglodd y Scarlets wedi hynny ac er nad oedd mwy o geisiau, roedd tri phwynt arall o droed Jones yn ddigon i sicrhau buddugoliaeth i Fois y Sosban ac amddifadu Connacht o bwynt bonws.

.

Scarlets

Ceisiau: Steff Evans 20’, Paul Asquith 35’

Trosiad: Dan Jones 36’

Ciciau Cosb: Dan Jones 43’ 60’

.

Connacht

Cais: Eoghan Masteron 55’

Trosiad: Conor Fitzgerald 56’

Cic Gosb: Conor Fitzgerald 38’

Cerdyn Melyn: Tom Daly 43’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd