‘Profiad yn allweddol i Gymru yng Nghwpan y Byd’ – Shaun Edwards
Diweddarwyd am
Shaun Edwards
Llun: Cynulliad Cenedlathol Cymru CCA2.0
Fe fydd profiad yn allweddol i dîm Cymru yn ystod Cwpan Rygbi’r Byd, yn ôl Shaun Edwards.
Bydd eu hymgyrch yn dechrau ddydd Llun (Medi 23), wrth iddyn nhw herio Georgia yn ninas Toyota yn eu gêm gyntaf – “penllanw dwy flynedd o waith”, meddai’r is-hyfforddwr.
28 mlwydd a 331 o ddiwrnodau fydd oedran cyfartalog y tîm.
“Rydyn ni’n fwy profiadol, yn sicr,” meddai.
“Maen nhw’n dweud wrtha i mai hwn yw’r pymtheg mwyaf profiadol fu gyda ni yng Nghwpan Rygbi’r Byd.
“Edrychwch yn ôl i 2003 – yr unig dîm o hemisffer y gogledd i ennill Cwpan y Byd, yn amlwg, yw Lloegr.
“Roedd ganddyn nhw dîm profiadol – ychydig o fois dros 30.
“Dw i ddim yn credu bod hynny’n gwneud niwed i chi.”
Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.
Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.
