Scarlets yn chwalu Zebre

Diweddarwyd am  

Scarlets 42–0 Zebre

Mae gobeithion y Scarlets o chwarae yng Nghwpan Pencampwyr Ewrop y tymor nesaf yn fyw o hyd diolch i fuddugoliaeth bwynt bonws yn erbyn Zebre yn y Guinness Pro14 nos Sadwrn.

Sgoriodd Bois y Sosban chwe chais mewn buddugoliaeth gyfforddus yn erbyn yr Eidalwyr ar Barc y Scarlets.

Daeth cais cyntaf y tîm cartref wedi deuddeg munud, yr wythwr, Uzair Cassiem, yn hyrddio drosodd wedi sgrym bump gref.

Un cais arall a gafywd yn yr hanner cyntaf, Hadleigh Parkes yn croesi ychydig funudau cyn yr egwyl, 14-0 y sgôr wrth droi.

Arhosodd Zebre ynddi i raddau tan hanner ffordd trwy’r ail hanner ond aeth y Scarlets â’r gêm o’u gafael gyda phedwar cais arall yn y chwarter olaf.

Plymiodd Johnny McNicholl drosodd yn gelfydd yn y gornel ar gyfer y trydydd cyn i Cassiem sicrhau’r pwynt bonws gyda’i ail ef o’r noson.

Ychwanegodd Kieran Hardy a Ioan Nicholas ddau arall yn y munudau olaf i roi gwedd llawer mwy cyfforddus i’r sgôr terfynol, 42-0.

Mae’r Scarlets yn aros yn bumed yn nhabl adran B y Pro14 er gwaethaf y fuddugoliaeth, bwynt y tu ôl i Gaeredin gydag un gêm o’r tymor arferol yn weddill. Rhaid gorffen yn y pedwerydd safle i sicrhau gêm ail gyfle i gyrraedd Cwpan Pencampwyr Ewrop.

.

Scarlets

Ceisiau: Uzair Cassiem 13’, 73’, Hadleigh Parkes 36’, Johnny McNicholl 60’, Kieran Hardy 75’, Ioan Nicholas 77’

Trosiadau: Leigh Halfpenny 13’, 37’, 61’, 73’, 76’, 77’

.

Zebre

Cardiau Melyn: Marco Cicciolli 34’, George Biagi 70’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd