Gêm fawr y Gleision yn Iwerddon

 
Llun o eisteddle efo'r Llythrennau Cardiff

Parc yr Arfau

Llun: Parth Cyhoeddus

Fe fydd Gleision Caerdydd yn teithio i Galway i chwarae Connacht ddydd Sadwrn (Ebrill 13) ar gyfer gêm fawr yng nghynghrair y Guinness PRO14.

Os nad yw tîm yr hyfforddwr John Melville yn sicrhau buddugoliaeth, Connacht fydd yn sicrhau eu lle ymysg ceffylau blaen y gynghrair.

Y Cymro, Gareth Anscombe, fydd yn gapten ar y Gleision wrth iddyn nhw frwydro i sicrhau lle gyda Glasgow a Munster ar frig Cynghrair A.

“Fel ffeinal”

 “Mae hwn yn rownd derfynol fawr i ni ac os na fyddwn ni’n cael y canlyniad rydym ei angen fe fyddwn yn edrych am gêm ail gyfle o’r pedwerydd safle,” meddai hyfforddwr y Gleision, John Mulvihill.

 “Mae’r bechgyn wedi bod yn hyfforddi yn ystod yr wythnos fel pe bai’n rownd derfynol. Mae’n gystadleuaeth mae’n rhaid i ni ennill ac rydym yn edrych ymlaen at yr her.”

Ar hyn o bryd mae’r Gleision bedwar pwynt tu ôl i Connacht sydd yn drydydd. Gyda buddugoliaeth, fe fyddai Connacht yn sicrhau safle yn y gemau ail-gyfle.

Fe all y Gweilch roi pwysau ar y Gleision a Connacht  heno (Nos Wener, Ebrill 12) pe baen nhw yn ennill yn erbyn Zebre o De Affrica, sydd ar waelod y gynghrair.

Os yw’r Gweilch, sydd dri phwynt yn unig tu ôl i’r Gleision, yn ennill – fe fydd y gêm ddydd Sadwrn yn bwysicach fyth.

Newidiadau

 Mae John Mulvihill wedi gwneud tri newid i’r tîm wnaeth golli yn erbyn Munster y penwythnos diwethaf.

Fe fydd Jason Harries yn cymryd lle Aled Sumerhill – yr unig newid ymysg y cefnwyr.

O ran y blaenwyr, mae Ethan Lewis yn dechrau o flaen Kristian Dacey sydd wedi ei anafau, ac mae George Earle yn cael ei ddewis cyn Shane Lewis-Hughes.

Seb Davies fydd yr wythwr ar ôl i Nick Williams fethu â dychwelyd o anaf, a bydd Josh Turnbull yn chwarae yn safle’r blaenasgellwr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd