Gweilch yn curo’r Cheetahs

Diweddarwyd am  

Cheetahs 14–31 Gweilch

Roedd buddugoliaeth bwynt bonws i’r Gweilch yn y Guinness Pro14 nos Sadwrn wrth iddynt herio’r Cheetahs yn Stadiwm Free State, Bloomfontein.

Sicrhaodd y Cymry’r pwyntiau llawn yn Ne Affrica gyda chais Cory Allen chwarter awr wedi’r egwyl.

Bu rhaid aros tan chwarter awr cyn yr egwyl am gais cyntaf y gêm, y Gweilch yn lledu’r bêl yn effeithiol a Dan Evans yn gorffen ar y chwith.

Croesodd Olly Cracknell am ail yr ymwelwyr bum munud yn ddiweddarach ac roedd ganddynt fantais iach ar yr hanner, 0-14 wrth droi.

Caeodd y Cheetahs y bwlch ar ddechrau’r ail hanner gyda chais Dries Swanepoel ond ymatebodd y Gweilch yn syth gyda chais Justin Tipuric, y blaensgellwr yn meddwl yn chwim ac yn sgorio wedi cic gosb gyflym.

Roedd y fuddugoliaeth a’r pwynt bonws yn ddiogel pan groesodd Allen am bedwerydd y Cymry gan olygu mai cais cysur yn unig a oedd ymdrech hwyr Shaun Venter i’r tîm cartref.

Mae’r canlyniad yn gadael y Gweilch yn bumed yn adran A y Pro 14 gyda thair gêm ar ôl.

.

Cheetahs

Ceisiau: Dries Swanepoel 42’, Shaun Venter 72’

Trosiadau: Tiaan Schoeman 43’, 73’

.

Gweilch

Ceisiau: Dan Evans 26’, Olly Cracknell 30’, Justin Tipuric 44’, Cory Allen 55’

Trosiadau: Luke Price 27’, 31’, Sam Davies 45’, 56’

Cic Gosb: Sam Davies 68’

Cerdyn Melyn: Adam Beard 72’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd