Scarlets 10–6 Munster
Y Scarlets a aeth â hi mewn gêm agos wrth i Munster ymweld â Llanelli yn y Guinness Pro14 nos Sadwrn.
Ioan Nicholas a sgoriodd unig gais y gêm wrth i’r tîm cartref drechu’r ymwelwyr o Iwerddon ar Barc y Scarlets.
Deg munud a oedd ar y cloc pan groesodd Nicholas yn dilyn dadlwythiad gwych Johnny McNicholl, 7-3 y sgôr wedi trosiad Leigh Halfpenny.
Roedd Munster o fewn pwynt ar yr egwyl serch hynny diolch i gic olaf yr hanner, ail gic gosb Bill Johnston.
Un gic gosb a oedd unig bwyntiau’r ail hanner ac yn ffodus i’r Scarlets, o droed Halfpenny y daeth honno, 10-6 y sgôr terfynol.
Mae’r canlyniad yn codi Bois y Sosban i’r trydydd safle yn adran B y Pro14.
.
Scarlets
Cais: Ioan Nicholas 11’
Trosiad: Leigh Halfpenny 13’
Cic Gosb: Leigh Halfpenny 49’
.
Munster
Ciciau Cosb: Bill Johnston 5’, 40’
