Warren Gatland yn herio’r chwaraewyr newydd i greu argraff

Diweddarwyd  
Warren Gatland (chwith) ac Alun Wyn Jones (dde)

Warren Gatland (chwith) ac Alun Wyn Jones (dde)

Llun Undeb Rygbi Cymru

Mae hyfforddwr tîm rygbi Cymru wedi herio’r chwaraewyr newydd sy’n wynebu’r Eidal yfory, i greu argraff a manteisio ar y cyfle.

“Rydym ni wedi hepgor chwaraewyr profiadol, safonol,” meddai Warren Gatland wrth drafod y penderfyniad i ollwng deg o’r chwaraewyr oedd yn y tîm drechodd Ffrainc wythnos yn ôl.

Un o’r wynebau newydd yn cychwyn yfory yn Rhufain yw Jonah Holmes, a fydd yn cymryd lle George North ar yr asgell.

Er iddo gael ei eni yn Stockport, mae chwaraewr Teigrod Caerlŷr yn gymwys i chwarae i Gymru am fod ganddo nain a thaid o Gymru.

Ac mae Warren Gatland yn ei herio i lenwi esgidiau George North.

“Wrth edrych yn ôl ar ein record yn erbyn yr Eidal, mae llawer iawn o bwyntiau wedi eu sgorio gan ein tri olwr, o ran ceisiadau.

“Fe gawn nhw gyfleon. Mae hepgor rhywun fel George North, sydd wedi sgorio ceisiau yn erbyn yr Eidal yn y gorffennol, yn golygu bod yna her go-iawn i’r chwaraewyr eraill yn y garfan fynd allan a pherfformio.”

Y tîm

Liam Williams; Jonah Holmes; Jonathan Davies (capten); Owen Watkin; Josh Adams; Dan Biggar; Aled Davies; Nicky Smith; Elliot Dee; Samson Lee; Jake Ball; Adam Beard; Aaron Wainwright; Thomas Young; Josh Navidi.

Ar y fainc

Ryan Elias; Wyn Jones; Dillon Lewis; Alun Wyn Jones ; Ross Moriarty; Gareth Davies; Gareth Anscombe; Hallam Amos.

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd