Gareth Edwards yn ymddeol o fod yn gyfarwyddwr y Gleision

Diweddarwyd  

Gareth Edwards

Llun: Comin Wicimedia

Mae Gleision Caerdydd wedi cadarnhau bod Gareth Edwards wedi rhoi’r gorau i’w swydd yn gyfarwyddwr ar y clwb rhanbarthol.

Mae’r cyn-fewnwr byd enwog, a dreuliodd 12 mlynedd yn chwaraewr i Glwb Rygbi Caerdydd yn ystod yr 1960au a’r 1970au, wedi bod yn gyfarwyddwr ar gwmni Gleision Caerdydd ers 22 mlynedd.

Daw ei benderfyniad i ymddeol yn dilyn y cyhoeddiad bod cadeirydd y cwmni, Peter Thomas, hefyd yn camu o’r neilltu, er y byddai’n parhau’n gyfarwyddwr a llywydd oes.

Mae Gareth Edwards wedi cael ei olynu gan Alun Jones, a ddechreuodd ar ei swydd newydd ar Ionawr 1.

“Braint ac anrhydedd”

“Mae wedi bod yn fraint ac yn anrhydedd gwasanaethu fel cyfarwyddwr y cwmni am gyhyd,” meddai Gareth Edwards, sy’n 71 oed.

“Pan ymgymerodd Peter Thomas â’r gadeiryddiaeth, fe ofynnodd i mi ymuno â’r bwrdd ac roeddwn i’n hynod falch o fedru rhoi rhywbeth yn ôl i’r clwb, fel yr oedd ar y pryd, sydd wedi gwneud cymaint i mi a Gleision Caerdydd fel y mae heddiw.”

“Dydy’r cyfnod [yn gyfarwyddwr] ddim wedi bod heb ei uchelfannau na’i iselfannau, ond mae fy ymwneud wedi bod yn un llawn hwyl ac fe fydda i, yn sicr, yn parhau’n gefnogwr yn standiau Parc yr Arfau wrth i’r rhanbarth droedio i gyfnod newydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd