Y Gweilch yn trechu Stade Francais

Diweddarwyd  

Gweilch 51–20 Stade Francais

Cododd y Gweilch i frig eu grŵp yng Nghwpan Her Ewrop gyda buddugoliaeth swmpus yn erbyn Stade Francais ar y Liberty brynhawn Sadwrn.

Sgoriodd y tîm cartref chwe chais mewn buddugoliaeth bwynt bonws gyfforddus yn erbyn y Ffrancwyr yng ngrŵp 2.

Cyfnewidiodd Morne Steyn a Sam Davies gic gosb gynnar yr un cyn i Dan Evans groesi am gais agoriadol y gêm i’r Gweilch.

Ymatebodd Stade gyda chais Jimmy Yobo cyn i Cory Allen sgorio ail y tîm cartref. Ciciodd Davies dri phwynt ar ddeg yn yr hanner cyntaf hefyd i sefydlu mantais gymharol iach i’w dîm, 23-13 y sgôr wrth droi.

Ymestynnodd cais Rhodri Jones fantais y Cymry yn gynnar yn yr ail gyfnod cyn i gais cosb ddiogelu’r pwynt bonws ddeg munud o’r diwedd.

Ymatebodd y Ffrancwyr gyda chais eu hunain yn syth o’r ail ddechrau ond y Gweilch a gafodd y geiriau olaf gyda dau gais arall yn y pum munud olaf, y naill i Luke Morgan a’r llall i Owen Watkin.

51-20 y sgôr terfynol felly a buddugoliaeth sydd yn codi’r Gweilch dros Pau Chaerwrangon i frig grŵp 2 wedi tair gêm.

.

Gweilch

Ceisiau: Dan Evans 13’, Cory Allen 31’, Rhodri Jones 45’, Cais Cosb 71’, Luke Morgan 75’, Owen Watkin 80’

Trosiadau: Sam Davies 13’, 31’, 45’, Hook 75’, 80’

Ciciau Cosb: Sam Davies 8’, 22’, 40’

.

Stade Francais

Ceisiau: Jimmy Yobo 26’, Julien Arias 71’

Trosiadau: Morne Steyn 26’, 71’

Ciciau Cosb: Morne Steyn 7’, 20’

Cerdyn Melyn: Mailetoa Hingano 40’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd