Hyfforddwr rygbi Castell-nedd ‘yn mynd oherwydd diffyg tîm meddygol’

Diweddarwyd am  

Mae prif hyfforddwr Clwb Rygbi Castell-nedd, Simon King wedi ymddiswyddo, gan ddweud y byddai’n “esgeulus” parhau yn ei swydd heb dîm meddygol.

Ond mae’r tîm meddygol yn dweud nad ydyn nhw wedi gadael y clwb.

Roedd nifer sylweddol o chwaraewyr eisoes wedi gadael, a’r clwb bellach yn gorfod benthyg chwaraewyr er mwyn cynnal gemau.

Mewn datganiad, dywed Simon King y bu’n fodlon gweithio “heb dâl” hyd yn hyn, ond fod y clwb wedi “torri amodau” eu trefniadau gydag ef.

“Rwy’n credu y byddai’n esgeulus parhau yn y swydd heb staff meddygol.

“Dw i wedi trio cario ymlaen mor hir â phosib er na ches i fy nhalu, a’r trefniadau oedd gen i gyda’r clwb yn amlwg yn cael eu torri.

“Rwy’n arddel fy hawliau fel hyfforddwr i fod â dyletswydd o ofal dros y chwaraewyr a heb y staff cynorthwyol priodol, alla’ i ddim parhau â fy nyletswyddau.”

Datganiad aelod o’r tîm meddygol

Ond mae aelod o’r tîm meddygol, y ffisiotherapydd Brian Downey yn gwrthddweud datganiad Simon King.

“Mae’r datganiad hwn gan Simon King, prif hyfforddwr Castell-nedd yn anghywir a chamarweiniol.

“Dydyn ni fel tîm meddygol ddim wedi gadael Clwb Rygbi Castell-nedd. Roedden ni’n bresennol yn yr ymarferion yr wythnos hon ac yn y gêm neithiwr, a byddwn ni yn y cyfarfod tîm/staff/clwb nesaf i drafod dyfodol y clwb.”

‘Diolch’

Mae Simon King wedi diolch am y gefnogaeth a gafodd yn y swydd – un a oedd yn “anrhydedd ryfeddol”, meddai.

Dywed fod y cefnogwyr wedi bod yn “rhagorol”, a’u bod yn “haeddu gwell”.

“Alla i ddim gweld bai yn eu hymdrechion a’u hymroddiad, a phan oedden nhw mewn sefyllfa anodd fe wnaethon nhw benderfyniadau er eu lles nhw a’u teuluoedd,” meddai am y chwaraewyr sydd wedi penderfynu gadael y clwb.

‘Deall a derbyn y penderfyniad’

Wrth ymateb i neges Simon King, mae’r clwb wedi diolch iddo am ei waith.

Dywed Graham Jones ar ran y gwirfoddolwyr sy’n rheoli’r clwb ar hyn o bryd ei fod yn “wirioneddol drist” yn sgil ei benderfyniad, ond ei fod yn ei “ddeall a’i dderbyn”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd