Northampton yn rhoi crasfa i’r Dreigiau

Diweddarwyd  

Northampton 48–14 Dreigiau

Rhoddwyd cnoc drom i obeithion Ewropeaidd y Dreigiau wrth iddynt golli’n drwm oddi cartref yn erbyn Northampton yng Nghwpan Her Ewrop brynhawn Sadwrn.

Sgoriodd y tîm cartref wyth cais mewn buddugoliaeth hynod gyfforddus ar Erddi Franklin.

Croesodd Luther Burrell am gais cyntaf y Saeson wedi dau funud cyn i Api Ratuniyarawa ychwanegu’r ail yn fuan wedyn.

Croesodd James Fish am y trydydd toc cyn yr egwyl i roi mantais iach i Northampton wrth droi, 19-0 y sgôr.

Rhoddodd cais Adam Warren lygedyn o obaith i’r ymwelwyr o gymru yn gynnar yn yr ail gyfnod ond buan iawn y diflannodd hwnnw gyda chais pwynt bonws Burrell ychydig funudau’n ddiweddarach.

Dilynodd tair sgôr mewn chwe munud wrth i geisiau Taqele Naiyaravoro, Alex Mitchell ac ail Naiyaravoro fynd â’r gêm ym mhell o afael y Dreigiau.

Sgoriodd Nic Cudd gais cysur i’r Cymry wedi hynny ond Northampton a gafodd y gair olaf pan groesodd Ollie Sleightholme am gais olaf y gêm i gwblhau’r grasfa, 48-14 y sgôr terfynol.

Mae’r canlyniad yn gadael y Dreigiau yn drydydd yng ngrŵp 1 gyda dim ond un buddugoliaeth o’u tair gêm gyntaf.

.

Northampton

Ceisiau: Luther Burrell 2’, 46’, Api Ratuniyarawa 11’, James Fish 38’ Taqele Naiyaravoro 51’, 57’, Alex Mitchell 53’, Ollie Sleightholme 80’

Trosiadau: Dan Biggar 12’, 40’, 47’, 80’

Cerdyn Melyn: Taqele Naiyaravoro 34’

.

Dreigiau

Ceisiau: Adam Warren 42’, Nic Cudd 78’

Trosiadau: Josh Lewis 43’, 79’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd