Rygbi Lloegr yn llygadu Warren Gatland i olynu Eddie Jones

Diweddarwyd  
Warren Gatland

Warren Gatland

Llun: Flickr Cynulliad Cenedlaethol Cymru

Mae Undeb Rygbi Lloegr yn chwilio am hyfforddwr newydd, ac mae Warren Gatland, hyfforddwr Cymru, ar y rhestr o bobol y maen nhw’n eu llygadu.

Gyda chytundeb hyfforddwr presennol Lloegr, Eddie Jones, yn dod i ben yn 2021 mae’n ymddangos fod Lloegr wedi dechrau chwilio yn barod am bobol a fyddai’n addas ar gyfer y swydd.

Mae cymaint yn dibynnu ar sut y bydd tîm Eddie Jones yn perfformio yng Nghwpan y Byd 2019, ond fe fyddai siom yn Japan bron yn sicr o arwain at ymadawiad yr hyfforddwr o Awstralia yn fuan wedyn.

Trafod yn ystod y Chwe Gwlad

Mae’r amserlen yn awgrymu y gallai Undeb Rygbi Lloegr fod yn gofyn am sgwrs gyda Warren Gatland yn ystod y cyfnod paratoi ar gyfer pencampwriaeth y Chwe Gwlad.

Mae Warren Gatland yn cael ei gydnabod am ei waith gydag Undeb Rygbi Cymru – am drawsnewid y tîm i fod ymysg y gorau yn y byd, ac am arwain y Llewod Prydeinig ddwywaith.

Ef yw’r hyfforddwr i fod gyda Chymru am y cyfnod hiraf, ac mi fydd llenwi esgidiau mor fawr yn dipyn o job.

Mae bos Undeb Rygbi Lloegr, Nigel Melville, yn mynd yn ôl ymhell gyda Warren Gatland. Ef oedd y dyn a’i helpodd i lansio ei yrfa hyfforddi yng ngwledydd Prydain gan ei benodi yn hyfforddwr Wasps Llundain yn 2002.

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd