Y Dreigiau’n curo Caeredin

Diweddarwyd am  

Dreigiau 18–12 Caeredin

Daeth buddugoliaeth brin i’r Dreigiau wrth iddynt groesawu Caeredin i Rodney Parade yn y Guinness Pro14 nos Sul.

Sgoriodd Jared Rosser y ddau gais holl bwysig mewn gêm glos.

Rhoddodd cic gosb gynnar Jason Tovey y Deigiau ar y blaen a’r tîm cartref a gafodd gais cyntaf y noson hefyd, Rosser yn croesi yn y gornel wedi bylchiad gwreiddiol Jordan Williams.

Caeredin a orffennodd yr hanner gryfaf ac er i’r Dreigiau amddiffyn yn ddewr am gyfnod hir fe ddaeth cais i’r Albanwyr yn y diwedd, Dougie Fife yn croesi, 10-5 y sgôr wrth droi.

Patrwm tebyg a oedd i’r ail hanner gyda’r Dreigiau’n dechrau’n dda cyn i Gaeredin ddod yn fwyfwy i’r gêm wrth i’r hanner fynd rhagddo.

Cyfunodd Williams a Rosser unwaith eto i roi’r asgellwr drosodd am ei ail gais a rhoddodd trosiad Tovey ddeg pwynt o fantais i’r tîm cartref.

Ymestynnodd y maswr y fantais i dri pwynt ar ddeg gyda chic gosb chwarter awr o’r diwedd ond yn gorffennodd Caeredin yn gryf.

Bylchodd Jaco van der Walt i roi Darcy Graham drosodd am gais cyn ychwanegu’r trosiad i roi ei dîm o fewn sgôr gyda deuddeg munud yn weddill.

Parhau i bwyso a wnaeth yr Albanwyr wedi hynny ond daliodd y Dreigiau eu gafael i sicrhau buddugoliaeth brin.

Mae’r canlyniad yn eu codi o waelod  cyngres B y Pro14, dros y Southern kings i’r chweched safle.

.

Dreigiau

Ceisiau: Jared Rosser 24’, 54’

Trosiad: Jason Tovey 26’

Ciciau Cosb: Jason Tovey 10’, 65’

.

Caeredin

Ceisiau: Dougie Fife 40’, Darcy Graham 67’

Trosiad: Jaco van der Walt 68’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd