Leinster 52–7 Gweilch
Cafodd y Gweilch grasfa iawn wrth iddynt deithio i’r RDS i herio Leinster yn y Guinness Pro14 nos Wener.
Croesodd y tîm cartref am dri chais yn yr hanner cyntaf cyn ychwanegu pedwar arall i gwblhau’r gweir yn yr ail hanner.
Rhoddodd ceisiau Conor O’Brien, Scott Penny a Nick McCarthy fantais iach i’r Gwyddelod ar yr egwyl cyn i Scott Fardy sicrhau’r pwynt bonws yn gynnar yn yr ail hanner.
Aeth pethau’n flêr wedi hynny o safbwynt y Gweilch wrth iddynt ildio tri chais arall, un i Max Deegan ac un yr un i’r efeilliaid, Ed a Bryan Byrne.
Unig gysur y Gweilch oedd cais munud olaf Hanno Dirksen. Mae’r canlyniad yn eu cadw’n drydydd yn nghyngres A y Pro14.
.
Leinster
Ceisiau: Conor O’Brien 12’, Scott Penny 32’, Nick McCarthy 38’, Scott Fardy 45’, Ed Byrne 57’, Max Deegan 63’, Bryan Byrne 73’
Trosiadau: Ciaran Frawley 13’, 33’, 40’, 45’, 58’, 65’, 74’
Cic Gosb: Ciaran Frawley 25’
.
Gweilch
Cais: Hanno Dirksen 79’
Trosiad: Sam Davies 80’
