Leigh Halfenny ddim ar gael ar gyfer gêm De Affrica

Diweddarwyd am  
Logo Undeb Rygbi Cymru

Llun: Undeb Rygbi Cymru

Mae’r cefnwr wedi gorfod tynnu allan o’r tim ar ôl iddo ddioddef anaf i’w ben yn erbyn Awstralia.

Ni fydd cefnwr Cymru, Leigh Halfpenny, yn chwarae yn erbyn De Affrica ddydd Sadwrn (Tachwedd 24) wrth iddo wella o ergyd.

Cafodd Halfpenny, 29, ei anafu gan chwaraewr Awstralia, Samu Kerevi, ar Dachwedd 10.

Fe alwodd hyfforddwr Cymru, Warren Gatland, y digwyddiad yn un “byrbwyll” gan chwaraewr Awstralia.

Er hynny, mae’r asgellwr George North wedi gwella o anaf i’w goes ac ar gael dydd Sadwrn wrth i Gymru geisio parhau eu rhediad llwyddiannus y tim.

Mae Cymru wedi ennill yr Alban, Awstralia a Tonga yn gemau’r gaeaf yn barod.

“Mae Leigh allan. Fe wnaeth o rywfaint o hyfforddi ar fore Sadwrn ac roedd o’n teimlo ychydig yn benwan,” esbonia Rob Howley, ail hyfforddwr Cymru.

“Daw lles y chwaraewr yn gyntaf, felly yn anffodus fe fydd yn colli allan y penwythnos yma”

Mae Cymru wedi ennill y tair gem ddiwethaf yn erbyn De Affrica. Mae’r tim llawn yn cael ei alw am ganol dydd Iau (Tachwedd 22).

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd