Marw’r cyn-chwaraewr rygbi o Gaerdydd, John Mantle

 
Llun o John Mantle yn chware efo logo St Helens

Gwefaqn clwb St Helens yn cofio am John Mantle

LLun: O wefan Clwb St Helens

Mae teyrngedau wedi’u rhoi i’r chwaraewr rygbi’r gynghrair enwog, John Mantle, a fu farw dros y penwythnos yn 76 oed.

Fe ymddangosodd y blaenwr o Gaerdydd, a fu’n chwarae rygbi’r undeb a rygbi’r gynghrair yn ystod ei yrfa, mewn 435 o o gêmau dros glwb St Helens rhwng 1965 a 1976. Yn ôl y papur lleol heddiw, ef oedd un o’r chwaraewyr gorau erioed i ddod atyn nhw o Gymoedd y De.

Chwaraeodd 13 o weithiau i wledydd Prydain, yn ogystal ag ennill 16 o gapiau i Gymru, gan gynrychioli ei wlad yn y ddau fath o rygbi. Fe gafodd ddau gap i’r tîm undeb.

Bu hefyd am gyfnodau yn chwarae i glybiau Salford, Leigh, Barrow, Keighley, Oldham, Caerdydd a Blackpool, cyn ymddeol o’r gêm yn 1982.

“Bonheddwr”

“Roedd yn perthyn i’r cyfnod hwnnw o chwaraewyr arbennig a sicrhaodd fod St Helens yn glwb rygbi’r gynghrair enwog heddiw,” meddai Eamonn McManus, cadeirydd St Helens.

“Symudodd o rygbi undeb Cymreig, a sefydlu ei deulu yn St Helens, ac fe ddaeth yn chwaraewr arbennig yn un o’n carfanau gorau erioed.

“Mae gen i o hyd atgof plentyn ohono’n perfformio gyda graen i St Helens a gwledydd Prydain. Yr un oedd y pleser, flynyddoedd yn ddiweddarach, wrth ddod i adnabod y gŵr a oedd yn fonheddwr.

“Fe fydd yn cael ei golli’n fawr, ac yn cael ei gofio gan bawb.”

Wolves bron â’i arwyddo

Yn ei flynyddoedd cynnar, roedd John Mantle yn gampwr amlochrog gan ddod i’r amlwg ym myd athletau a phêl-droed – fe gafodd gynnig i arwyddo i Wolverhampton Wanderers yn y 50au pan oedden nhw’n un o brif glybiau Lloegr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd