Buddugoliaeth bwynt bonws i’r Gweilch

Diweddarwyd am  

Gweilch 27–0 Pau

Cafodd y Gweilch ddechrau da i’w hymgyrch yn y Cwpan Her gyda buddugoliaeth bwynt bonws yn erbyn Pau ar y Liberty brynhawn Sadwrn.

Sgoriodd y mewnwr ifanc, Harri Morgan, gais gyda symudiad olaf y gêm i sicrhau’r dechrau perffaith i dymor Ewropeaidd ei dîm.

Os mai chwaraewr ifanc a orffennodd bethau, hen law a ddechreuodd y sgorio gyda James Hook yn croesi yn y munudau agoriadol.

Trosiad Sam Davies a chic gosb o droed Hook a oedd unig bwyntiau arall yr hanner cyntaf, 10-0 y sgôr wrth droi.

Sgoriodd George North ail gais y tîm cartref yn gynnar yn yr ail gyfnod cyn i ymdrech unigol dda’r asgellwr, Luke Morgan, ymestyn y fantais toc cyn yr awr.

Gyda’r fuddugoliaeth yn ddiogel, pwynt bonws a oedd targed nesaf y Gweilch ac fe ddaeth hwnnw yn yr eiliadau olaf wrth i’r mewnwr dwy ar bymtheg oed, Harri Morgan, sgorio’r pedwerydd cais.

Mae’r canlyniad yn rhoi’r Cymry ar frig grŵp 2, tan i Stade Francais a Caerwrangon wynebu ei gilydd yn hwyrach nos Sadwrn o leiaf.

.

Gweilch

Ceisiau: James Hook 7, George North 47’, Luke Morgan 57’, Harri Morgan 80’

Trosiadau: Sam Davies 8’, JamesHook 48’

Cic Gosb: James Hook 37’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd