Sam Warburton: ‘Roedd hi’n bryd i mi ymddeol’

Diweddarwyd am  

Sam Warburton

Llun: Gleision Caerdydd

Dywed cyn-gapten Cymru, Sam Warburton, ei fod yn gwybod ei bod yn bryd iddo ymddeol pan sylweddoloddd na fyddai’n gallu chwarae i safon ryngwladol eto.

Cyhoeddodd y chwaraewr 29 oed y mis diwethaf ei fod yn rhoi’r gorau iddi ar ôl methu â goresgyn anafiadau i’w wddw a’i bengliniau.

Nid oedd wedi chwarae ers y drydedd gêm brawf yn erbyn y Crysau Duon 12 mis yn ôl, a methodd ag adenill ei ffitrwydd wrth ymarfer gyda Gleision Caerdydd wedi hynny.

“Pan o’n i’n ymarfer yn y gampfa, ro’n i’n cael poen yn fy ngwddw ac yn fy nghymalau,” meddai.

“Do’n i ddim eisiau bod yn chwaraewr oedd yn dal ati er mwyn dal ati – os na allwn i gyrraedd yr uchelfannau a arferwn, fe fyddai’n well gen i roi’r gorau iddi.

“Fe ddaeth hi’n amlwg ar ôl wythnos o ymarfer na allwn gyrraedd safon ryngwladol – allai fy nghorff ddim dygymod â chymaint â hynny o redeg mwyach.”

Mae’n cydnabod bod gemau Cwpan y Byd yn Japan y flwyddyn nesaf wedi gwneud ei benderfyniad yn fwy anodd.

“Ond roedd fy mhengliniau mor boenus ar ôl ymarfer, fel y penderfynais na fyddwn i byth yn mynd trwy 14 mis i gyrraedd Cwpan y Byd,” ychwanegodd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd