Wythwr rhyngwladol wedi ymuno â’r Gleision

 
Gleision

Gleision

Daeth cadarnhad fod yr wythwr rhyngwladol, Samu Manoa wedi ymuno â rhanbarth y Gleision.

Mae’n symud o Toulon yn Ffrainc, lle chwaraeodd e mewn mwy na 50 o gemau. Cyn hynny, roedd e’n chwarae i glwb Northampton, lle gwnaeth enw iddo’i hun ymhlith mawrion Ewrop, gan ennill llu o wobrau.

Yr Americanwr yw’r pedwerydd chwaraewr i ymuno â’r rhanbarth o dan y prif hyfforddwr newydd, John Mulvihill ar ôl Dmitri Arhip, Jason Harries a Rory Thornton (ar fenthyg).

Mae’n 6’7” ac yn pwyso 20 stôn.

‘Arwydd o fwriad’

Dywed prif hyfforddwr y Gleision, John Mulvihill fod arwyddo Samu Manoa yn “arwydd o fwriad” y rhanbarth i fod yn gystadleuol yn Ewrop. 

“Mae Samu yn ddyn mawr, corfforol a fydd yn cystadlu gyda Nick Williams am grys rhif wyth, ac mae’n dod â llu o brofiad i’n pac ni.”

Awgrymodd y byddai’r ddau wythwr yn rhannu’r cyfrifoldeb yn ystod y tymor oherwydd nifer y gemau sy’n cael eu chwarae.

Ychwanegodd Samu Manoa ei fod yn “edrych ymlaen yn fawr at y bennod nesaf”, a’i fod e “wedi clywed dim ond pethau da am Gleision Caerdydd, y ddinas a’r rhanbarth”.

Rygbi

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd