Scarlets 26–8 Glasgow
Arhosodd y Scarlets yn ail yng nghyngres B y Guinness Pro14 gyda buddugoliaeth gartref dros Glasgow brynhawn Sadwrn.
Rhys Patchell (2) a Gareth Davies a sgoriodd y ceisiau mewn buddugoliaeth gymharol gyfforddus ar Barc y Scarlets.
Methodd Finn Russell a Leigh Halfpenny ddau gynnig yr un at y pyst cyn i Patchell groesi am gais cyntaf y gêm ddeuddeg munud cyn yr egwyl, yn hyrddio’i ffordd trwy gan ol amddiffyn Glasgow.
Er i Halfpenny fethu’r trosiad, fe lwyddodd gyda chic gosb yn fuan wedyn i ymestyn y fantais i wyth pwynt ac felly yr arhosodd hi tan hanner amser.
Roedd Russell yn aneffeithiol yn yr hanner cyntaf a daeth Peter Horne i’r cae yn ei le ar gyfer yr ail hanner gan ddod â’i dîm o fewn sgôr gyda chic gosb gynnar.
Ond dyna’r agosaf a ddaeth yr ymwelwyr wrth i’r Scarlets gael y gorau o’r hanner awr olaf.
Adferodd Halfpenny yr wyth pwynt o fantais cyn i Gareth Davies ryng-gipio pas Ali Price a rhedeg dros hanner hyd y cae i sgorio ail gais y tîm cartref.
Tarodd Henry Pyrgos yn ôl gyda chais i Glasgow ond y Scarlets a Patchell a gafodd y gair olaf, y maswr yn croesi am ei ail gais o’r gêm yn y munud olaf wedi dwylo da James Davies.
Ychwanegodd Halfpenny’r trosiad, 26-8 y sgôr terfynol. Mae’r canlyniad yn cadw’r Scarlets yn ail yng nghyngres B gyda dwy gêm yn weddill.
.
Scarlets
Ceisiau: Rhys Patchell 28’, 80’, Davies 55’
Trosiadau: Leigh Halfpenny 80’
Ciciau Cosb: Leigh Halfpenny 34’, 54’, 60’
.
Glasgow
Cais: Henry Pyrgos 62’
Cic Gosb: Peter Horne 43’
