Buddugoliaeth i Gymru mewn gêm glos

Diweddarwyd  
Logo Undeb Rygbi Cymru

Llun: Undeb Rygbi Cymru

Cymru 14–13 Ffrainc

Gorffennodd Cymru’n ail ym Mhencampwriaeth y Chwe Gwald yn dilyn buddugoliaeth mewn gêm glos yn erbyn Ffrainc yn y stadiwm cenedlaethol yng Nghaerdydd nos Sadwrn.

Pwynt a oedd ynddi yn y diwedd ond y Cochion aeth â hi er na wnaethant sgorio pwynt yn yr ail hanner.

Hanner Cyntaf

Er i Ffrainc fynd ar y blaen gyda gôl adlam gynnar Francois Trinh-Duc, Cymru a gafodd gais cyntaf y gêm, yn syth o’r ail ddechrau. Casglodd Alun wyn Jones y bêl cyn i Liam Williams roi cwrs i gic Scott Williams a thirio.

Er i Leigh Halfpenny fethu’r trosiad, fe ymestynnodd y cefnwr fantais ei dîm gyda dwy gic gosb yn fuan wedyn, 11-3 y sgôr wedi chwarter awr.

Cafodd Ffrainc gyfnod da wedi hynny ac roeddynt yn ôl yn y gêm hanner ffordd trwy’r hanner wedi i Gael Fickou ddod oddi ar ei asgell i hollti trwy ganol yr amddiffyn a chroesi o dan y pyst.

Llwyddodd Halfpenny gyda chic gosb arall i ymestyn mantais Cymru i bedwar pwynt cyn yr egwyl, 14-19 y sgôr wrth droi.

Ail Hanner

Ffrainc a ddechreuodd yr ail hanner orau ac roeddynt o fewn un pwynt wedi deg munud diolch i gic gosb Maxime Machenaud.

Parhau i reoli a wnaeth y Ffrancwyr wedi hynny a chawsant gyfle gwych i fynd ar y blaen ddeuddeg munud o’r diwedd on methodd Trinh-Duc gyda chynnig cymharol hawdd at y pyst.

Llwyddodd Cymru i chwarae digon o’r gêm yn hanner Ffrainc wedi hynny a roedd y fuddugoliaeth yn ddiogel wedi i Aaron Shingler ddwyn y bêl o lein y gwrthwynebwyr gyda’r cloc yn goch.

Mae’r canlyniad yn golygu fod Cymru’n gorffen yn ail yn nhabl Pencampwriaeth y Chwe Gwlad wedi tair buddugoliaeth gartref yn erbyn y gleision, Yr Alban, Yr Eidal a Ffrainc.

.

Cymru

Ceisiau: Liam Williams 5’

Ciciau Cosb: Leigh Halfpenny 10’ 16’, 32’

.

Ffrainc

Cais: Gael Fickou 21’

Trosiad: Maxime Machenaud 22’

Cic Gosb: Maxime Machenaud 49’

Gôl Adlam: Francois Trinh-Duc 4’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd