La Rochelle fydd gwrthwynebwyr y Scarlets yn rownd wyth olaf Cwpan Pencampwyr Ewrop – a bydd y gêm yn cael ei chynnal ar Barc y Scarlets.
Mae’r Ffrancwyr drwodd ar y cynnig cyntaf ar ôl gorffen ar frig y grŵp, a hynny ar ôl trechu Harlequins o 16-7.
Ond doedd y fuddugoliaeth ddim yn ddigon i sicrhau bod rhaid i’r rhanbarth Gymreig deithio i Ffrainc ar gyfer yr ornest.
Wrth drydar y newyddion, dywedodd y Scarlets y bydden nhw’n cadarnhau dyddiad ac amser y gêm wyth olaf yr wythnos hon.
Dyma’r tro cyntaf ers chwe blynedd i dîm o Gymru fynd mor bell yn y gystadleuaeth.
ROWND YR WYTH OLAF
Gêm gartref fydd hi felly yn rownd wyth olaf @ChampionsCup! Dyddiad ac amser i’w cadarnhau wythnos yma. Fe fyddwn ni’n sicr o’r gwrthwynebwyr yn hwyrach prynhawn yma. Manylion tocynnau i ddilyn yn yr wythnos. Diolch am eich cefnogaeth hyd yn hyn. #ynypac pic.twitter.com/S3EgfLrApM
— Scarlets Rugby (@scarlets_rugby) January 21, 2018
Gemau rownd yr wyth olaf – Mawrth 31 / Ebrill 1
Scarlets v La Rochelle
Leinster v Saraseniaid
Munster v Toulon
Clermont Auvergne v Racing 92
