Y Scarlets yn trechu’r Gleision

Diweddarwyd am  

Gleision 11–14 Scarlets

Y Scarlets aeth â hi mewn gêm agos rhyngddynt a’r Gleision ar Barc yr Arfau yn y Guinness Pro14 brynhawn Sul.

Roedd cais Rhys Patchell yn erbyn ei gyn glwb yn gynnar yn yr ail hanner yn ddigon i’w hennill hi yn y diwedd.

Hanner Cyntaf

Y Gleision a ddechreuodd orau ac roeddynt yn llawn haeddu mynd ar y blaen gyda chic gosb Gareth Anscombe wedi wyth munud.

Y Scarlets, serch hynny, a gafodd gais cyntaf y prynhawn bum munud yn ddiweddarach, Gareth Davies yn bylchu’n wych wedi sgrym gref a Tom Prydie yn cefnogi ar ysgwydd dde’r mewnwr i groesi, 3-7 y sgôr wedi trosiad Leigh Halfpenny.

Roedd y Gleision nôl ar y blaen wedi cais dadleuol hanner ffordd trwy’r hanner, Ellis Jenkins yn hyrddio at y llinell wedi sgarmes symudol effeithiol a’r cais yn cael ei roi er nad oedd hi’n berffaith glir a oedd y blaenasgellwr wedi tirio.

Aeth penderfyniad dadleuol arall o blaid y Gleision pan gafodd cais i Gareth Davies ei wrthod yn fuan wedyn a gorffennodd y tîm cartref yr hanner bedwar pwynt ar y blaen wedi cic gosb arall o droed Anscombe.

Ail Hanner

Dechreuodd y Scarlets yr ail hanner yn llawer gwell a chroesodd Patchell wedi dim ond pedwar munud yn dilyn gwaith da gan James Davies ar sawl achlysur yn y symudiad.

Rhoddodd trosiad Halfpenny dri phwynt o fantais i’r ymwelwyr ac felly yr arhosodd hi er i’r Gleision fwynhau digon o’r tir a’r meddiant yn yr hanner awr olaf.

Cafodd y Gleision gyfle i fynd am dri phwynt a fyddai wedi eu rhoi’n gyfartal chwe munud o’r diwedd ond cicio am y gornel a wnaethant a daliodd amddiffyn y Scarlets yn gryf i sicrhau’r fuddugoliaeth.

Mae’r canlyniad yn cadw’r Scarlets ar frig cyngres B y Pro14 a’r Gleision yn bedwerydd yng nghyngres A.

.

Gleision

Cais: Ellis Jenkins 21’

Ciciau Cosb: Gareth Anscombe 8’, 29’

.

Scarlets

Ceisiau: Tom Prydie 13’, Rhys Patchell 44’

Trosiadau: Leigh Halfpenny 15’, 46’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd