Jason Tovey
Bydd y maswr Jason Tovey yn dechrau ei ganfed gêm i’r Dreigiau yn erbyn Benetton Treviso nos yfory.
Fe wnaeth Tovey, sy’n 25 oed, ei ymddangosiad cyntaf i’r rhanbarth yn erbyn y Gweilch yn 2008. Mae’r chwaraewr ymryddawn wedi cynrychioli tîm dan 20 oed Cymru ac wedi ei alw i garfan y tîm cenedlaethol. Treuliodd un tymor gyda’r Gleision cyn dychwelyd at y Dreigiau.
‘‘Mae angen i ni fod ar ein gorau yfory gan wneud argraff…bydd yn rhaid i’n blaenwyr ni reoli y gêm os ydym am gael y fuddugoliaeth bwysig yna,’’ meddai Tovey.
Richie Rees fydd yn cadw cwmni i Tovey fel mewnwr. Jack Dixon a Pat Leach fydd y bartneriaeth yn y canol. Y chwaraewyr rhyngwladol Will Harries a Tom Prydie fydd yr asgellwyr a Hallam Amos fydd y cefnwr.
Un newid sydd i’r pymtheg a ddechreuodd yn erbyn y Scarlets gyda Duncan Bell yn disodli Bruce Douglas fel prop pen tynn. Phil Price fydd y prop arall a’r chwaraewr rhyngwladol T. Rhys Thomas fydd y bachwr.
Bydd y capten Andrew Coombs a Matthew Screech yn dechrau yn yr ail reng. Lewis Evans, Nic Cudd a Taulupe Faletau fydd aelodau’r rheng-ôl.
Tîm y Dreigiau
Olwyr – Hallam Amos, Tom Prydie, Pat Leach, Jack Dixon, Will Harries, Jason Tovey a Richie Rees.
Blaenwyr – Phil Price, T. Rhys Thomas, Duncan Bell, Andrew Coombs (Capten), Matthew Screech, Lewis Evans, Nic Cudd a Taulupe Faletau.
