Y Geltaidd yn drech na’r GymGym

 


Colli oedd hanes Tîm yr Wythnos golwg360 brynhawn dydd Gwener, wrth i dîm rygbi GymGym Caerdydd gael eu trechu gan yr ymwelwyr o Aberystwyth.

Y Geltaidd oedd yn fuddugol ar Barc yr Arfau o 17-6, gyda myfyrwyr y Coleg ger y Lli yn gwneud y mwyaf o’u mantais dros stiwdants y brifddinas yn yr hanner cyntaf.

Dewisodd GymGym Caerdydd chwarae yn erbyn y gwynt yn y 40 munud agoriadol, gan olygu’u bod nhw wedi gorfod taclo ac amddiffyn yn galed am y rhan fwyaf o’r hanner cyntaf.

A chyda’r tywydd o’u plaid fe fanteisiodd y Geltaidd, gan sgorio dwy gais yn yr hanner cyntaf diolch i Luke Thomas a Garmon Roberts er mwyn sicrhau mantais o 12-0 ar yr egwyl.

Yn yr ail hanner fe darodd y GymGym yn ôl, gan reoli’r meddiant a thir a llwyddo i drosi dwy gic gosb diolch i droed Gareth Jones.

Ond ofer fu eu hymdrechion i sgorio cais, gydag amddiffyn y Geltaidd yn rhy gadarn, ac fe lwyddodd Ian Ellis i gipio cais arall i’r gwrthwynebwyr cyn y diwedd hefyd i selio’r fuddugoliaeth.

I weld tîm rygbi GymGym Caerdydd yn cyflwyno’u hunain dilynwch y linc yma, ac os hoffech chi i’ch tîm chi gael sylw fel Tîm yr Wythnos cysylltwch â ni!

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd