Noson Caerdydd oedd hi o’r gôl gyntaf

Diweddarwyd am  


Dafydd Wyn Williams, gohebydd CPD Caerdydd fu’n gwylio buddugoliaeth yr Adar Gleision yn erbyn Crystal Palace neithiwr….

Anaml mae dyn yn cael croeso fel cefnogwr oddi cartref, a fel ‘ny fuodd hi yn Croydon wrth fod fy mhresenoldeb yn eu tafarn hyd yn oed yn ddigon i gythruddo’r perchennog pan oeddwn i yn y dref i weld y gêm fawr yn erbyn Crystal Palace.

Roedd hi’n gêm fwy byth neithiwr wrth i’r Palas ddod i’r dref gyda gôl o fantais, i ddweud y gwir sai’n siwr mod i’n gor-ddweud hi pan dwi’n nodi taw gâm fwyaf y tymor pâl-droed hyd yn hyn oedd hon neithiwr yn Lecwydd.

Mae’n siŵr bod bron i bob un ohonoch chi wedi gweld y gêm yn fyw, unai yn y stadiwm neu ar y teledu, neithiwr felly byddwch chi’n cofio’r un fath a fi y peniad egniol gan Gunnarsson ym munudau olaf o’r amser ychwanegol, a byddech wedi rhyfeddu ar athrylith Miller i faeddu’r golgeidwad Speroni… ond i’r bêl ymlwybro heibio’r postyn pellaf.

Tynged o’r smotyn

Cicie o’r smotyn yn y diwedd oedd i ddewis tîm fyddai’n cyrraedd y rownd derfynol yng Nghwpan y Gynghrair, a chyn i’r gic gyntaf gael ei chymryd ysgrifennais fan hyn taw anlwc eto oedd hanes Caerdydd.

Ond, diolch i gicie di-brofiad Crystal Palace, ro’n i’n anghywir. Tom Heaton yw’r arwr heddiw wedi iddo gadw gafael ar ar grys y golwr yn y gwpan yma rhag Marshall sydd yn y gôl fel arfer. Cadwodd e lond sach o beli allan o’i rwyd neithiwr yn y gystadleuaeth cicie o’r smotyn a benderfynodd dynged y noson.

Llond coets fawr o glod i hogie ifanc y Palas, ac yn arbennig y deg dyn a lwyddodd i aros ar y cae, ond noson Caerdydd oedd hi o’r gôl gyntaf gan Gardner i’w rwyd ei hun.  Tipyn o hubris iddo wedi ei wen fawr ym mhrifddinas y Sais (gweler fy rhagolwg i’r gêm yma.)

Sai’n siŵr shwd groeso gafodd cefnogwyr Crystal Palace yn y dref neithiwr, ond mae’n siwr bod hi’n haws bod yn groesawgar wedi buddugoliaeth mor bwysig!

Tybed a fydd y cwpan ei hun yn cael croeso yn y brifddinas cyn diwedd y tymor?

Gall yr Adar Gleision hedfan yr holl ffordd lawr Wembley Way wedi neithiwr!

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd