Ben Cabango yn ymestyn ei gytundeb gyda’r Elyrch

Diweddarwyd am  
Ben Cabango

Ben Cabango

Llun: Clwb Pêl-droed Abertawe

Mae Ben Cabango, y Cymro Cymraeg, wedi ymestyn ei gytundeb gyda Chlwb Pêl-droed Abertawe am ddau dymor ychwanegol.

Mae’n golygu y bydd e dan gytundeb tan haf 2023.

 

Mae’r amddiffynnwr canol o Gaerdydd wedi mwynhau ei dymor cyntaf gyda’r tîm cyntaf hyd yn hyn, gan fagu perthynas dda gyda’i gydwladwr Joe Rodon – y tro cyntaf i ddau Gymro chwarae yng nghanol amddiffyn yr Elyrch ers 1997.

 

Ben Cabango yw’r chwaraewr cyntaf yn nhîm yr Elyrch i’w eni yn y ganrif hon, ac mae e wedi chwarae mewn 16 o gemau i gyd.

Ieuenctid

Fe fu’n gapten ar bob tîm oedran gyda’r clwb er pan oedd e’n 14 oed ac yn ddisgybl yn Ysgol Plasmawr.

 

Treuliodd e gyfnod ar fenthyg gyda’r Seintiau Newydd yn 2018-19, gan sgorio mewn gêm ragbrofol Cynghrair y Pencampwyr, ac roedd e’n aelod o dîm ieuenctid yr Elyrch gododd Gwpan Ieuenctid Cymdeithas Bêl-droed Cymru yn ystod yr un tymor.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn